IND vs NZ: சூப்பர் மேன் போல் ஹர்திக் கேட்ச்! ஹர்சித் ராணாவிடம் தொடர்ந்து 5வது முறையாக அவுட்டான கான்வே

கவுஹாத்தி: நியூசிலாந்து வீரர் டெவன் கான்வேயை ஐந்தாவது முறையாக இந்திய அணி வேகப்பந்து வீச்சாளர் ஹர்ஷித் ரணா, வீழ்த்தி அசத்தினார். கவுஹாத்தியில் நடந்த மூன்றாவது டி20 போட்டியில், ஹர்திக் பாண்டியாவின் அற்புதமான கேட்ச்சுடன் இந்தச் சாதனை நிகழ்ந்தது.

இந்தத் தொடரில் ஹர்ஷித் அவரைத் தொடர்ந்து திணறடித்து வருகிறார். இந்த விக்கெட் எடுப்பதற்கு முன்பு முன்பு ஹர்ஷித் நான்குமுறை கான்வேயை ஆட்டமிழக்கச் செய்ததை ரீப்ளேக்களாக ஓடியது, அடுத்த பந்திலேயே, மீண்டும் கான்வே அவுட்டாக, இது ஐந்தாக உயர்ந்தது.

ஹர்ஷித்தின் 136.7 கி.மீ வேகப்பந்தை கான்வே களம் இறங்கி மிட்-ஆஃப் திசை நோக்கி பலமாக அடித்தார். பந்து பவுண்டரியைத் தாண்டும் எனத் தோன்ற, 30 யார்டு வட்டத்தின் விளிம்பில் நின்ற ஹர்திக் பாண்டியா, இடதுபுறம் நகர்ந்து, துல்லியமான நேரத்தில் பந்தைப் பிடித்து அனைவரையும் வியப்பில் ஆழ்த்தினார்.

ரணாவுக்கும் கான்வேக்கும் இடையிலான மோதல், வதோதரா முதல் ஒருநாள் போட்டியிலேயே தொடங்கியது. அன்றிலிருந்து ஹர்ஷித், கான்வேயை ஐந்தாவது முறையாக வீழ்த்தி, தொடர் ஆதிக்கம் செலுத்தி வருகிறார்.

கான்வேயை அவர் ஆட்டமிழக்கச் செய்த 5 முறை: வதோதரா முதல் ஒருநாள் – 56 (போல்டு); ராஜ்கோட் இரண்டாவது ஒருநாள் – 16 (போல்டு); இந்தூர் மூன்றாவது ஒருநாள் – 5 (ரோஹித் சர்மா கேட்ச்); ராய்ப்பூர் இரண்டாவது டி20 – 19 (ஹர்திக் பாண்டியா கேட்ச்); குவாஹாட்டி மூன்றாவது டி20 – 1 (ஹர்திக் பாண்டியா கேட்ச்).

முன்னதாக, ஐந்து போட்டிகள் கொண்ட இந்தத் டி20 தொடரின் மூன்றாவது ஆட்டத்தில், இந்திய கேப்டன் சூர்யகுமார் யாதவ் டாஸ் வென்று பந்துவீச்சைத் தேர்வு செய்தார். தொடரில் இந்தியா ஏற்கெனவே 2-0 என முன்னிலை வகிக்கிறது.

இந்திய அணியில் ஜஸ்பிரித் பும்ரா, ரவி பிஷ்னோய் ஆகியோர் அர்ஷ்தீப் சிங், வருண் சக்ரவர்த்திக்கு பதிலாக களமிறங்கினர். நியூசிலாந்து அணியில் ஜாக் ஃபோல்டஸ்-க்குப் பதிலாக வேகப்பந்து வீச்சாளர் கைல் ஜேமீசன் சேர்க்கப்பட்டார். தொடரில் நீடிக்கும் முனைப்புடன் நியூசிலாந்து இந்த மாற்றத்தைச் செய்தது.