Ind vs NZ: தொடர்ந்து 3 போட்டியில் தோல்வி.. நீங்க வீட்டுக்கு கிளம்புங்க, 3 வீரர்களை அனுப்பிய நியூசிலாந்து

மும்பை: IND vs NZ டி20 தொடருக்கான 4வது போட்டி நாளை நடைபெறுகிறது. இந்த நிலையில், இந்தியாவிற்கு எதிரான தொடர்ச்சியான மூன்று டி20 போட்டிகளில் தோல்வியடைந்ததைத் தொடர்ந்து, நியூசிலாந்து அணி தனது டி20 அணியில் இருந்து வேகப்பந்து வீச்சாளர் கிறிஸ்டியன் கிளார்க் மற்றும் பேட்ஸ்மேன் டிம் ராபின்சன் ஆகியோரை விடுவித்துள்ளது. இரு வீரர்களும் ஜனவரி 21 அன்று நாக்பூரில் நடைபெற்ற முதல் டி20 போட்டியில் விளையாடினாலும், தங்களது ஆட்டத்திறனால் சோபிக்கத் தவறினர்.

24 வயதான கிறிஸ்டியன் கிளார்க், ஜனவரி 21 அன்று நாக்பூரில் இந்தியாவுக்கு எதிராக தனது டி20 அறிமுகப் போட்டியில் களமிறங்கினார். அவர் தனது நான்கு ஓவரில் 40 ரன்கள் கொடுத்து ஒரு விக்கெட்டை மட்டுமே கைப்பற்றினார். நடைபெற்று வரும் ஐந்து போட்டித் தொடரின் முதல் டி20யில் டிம் ராபின்சன் 15 பந்துகளில் 21 ரன்கள் எடுத்தார்.

இரண்டாவது டி20 போட்டிக்கான நியூசிலாந்து அணியின் ஆடும் லெவனில் இவர்களுக்குப் பதிலாக மாட் ஹென்ரி மற்றும் டிம் சீஃபர்ட் ஆகியோர் சேர்க்கப்பட்டனர். அதன்பிறகு, மூன்றாவது டி20 போட்டியிலும் கிளார்க் மற்றும் ராபின்சன் ஆகியோர் இடம்பெறவில்லை.

இது குறித்து நியூசிலாந்து அணி தனது எக்ஸ் சமூக வலைத்தளத்தில் வெளியிட்ட பதிவில், ஜிம்மி நீஷம், லாக்கி பெர்குசன் மற்றும் டிம் சீஃபர்ட் ஆகியோர் தற்போது அணி முகாமில் இணைந்துள்ளதால், இந்தியாவில் உள்ள டி20 அணியில் இருந்து கிறிஸ்டியன் கிளார்க் மற்றும் டிம் ராபின்சன் ஆகியோர் விடுவிக்கப்பட்டுள்ளனர்.

மேலும், ஜனவரி 31 சனிக்கிழமை நடைபெறவுள்ள ஐந்தாவது டி20 போட்டிக்கு முன்னதாக, பேட்ஸ்மேன் ஃபின் ஆலன் வியாழக்கிழமை திருவனந்தபுரத்தில் அணியுடன் இணைவார் என்றும் நியூசிலாந்து குறிப்பிட்டது. டி20 போட்டியில் அதிக சிக்சர்கள் அடித்த உலக சாதனை படைத்த ஆலன், தனது பிக் பாஷ் லீக் (BBL) தொடருக்காக இந்தியாவுக்கு எதிரான முதல் மூன்று டி20 போட்டிகளில் விளையாடவில்லை.

26 வயதான இந்த வலது கை பேட்ஸ்மேன், பெர்த் ஸ்கார்ச்சர்ஸ் அணியின் ஒரு பகுதியாக இருந்தார். அவர் விளையாடிய 11 போட்டிகளில், மொத்தம் 466 ரன்கள் குவித்து, அந்தத் தொடரில் அதிக ரன்கள் குவித்த வீரராக திகழ்ந்தார்.ஜிம்மி நீஷம், லாக்கி பெர்குசன் மற்றும் டிம் சீஃபர்ட் தற்போது இணைந்துள்ளதால், கிறிஸ்டியன் கிளார்க் மற்றும் டிம் ராபின்சன் ஆகியோர் இந்தியாவிற்கான டி20 அணியில் இருந்து விடுவிக்கப்பட்டுள்ளனர்.

நியூசிலாந்து டி20 அணி விவரம்: மிட்செல் சான்ட்னர் (கேப்டன்), டெவோன் கான்வே, டிம் சீஃபர்ட் (விக்கெட் கீப்பர்), ரச்சின் ரவீந்திரா, க்ளென் பிலிப்ஸ், டேரில் மிட்செல், மார்க் சாப்மேன், ஸக்காரை ஃபோல்க்ஸ், மாட் ஹென்ரி, இஷ் சோதி, ஜேக்கப் டஃபி, ஜேம்ஸ் நீஷம், கைல் ஜேமிசன், மைக்கேல் பிரேஸ்வெல், பெவன் ஜேக்கப்ஸ், ஃபின் ஆலன் (5வது டி20 போட்டிக்கு மட்டும்).