IND vs NZ:வருண் சக்கரவர்த்தி உலகின் நம்பர் 1 வீரர்.. நிச்சயம் அவர் சிறப்பாக விளையாடுவார்-சூர்யகுமார்

அகமதாபாத்: 2026 டி20 உலகக் கோப்பை இறுதிப் போட்டிக்கு முன்னதாக, இந்திய அணியின் கேப்டன் சூர்யகுமார் யாதவ் சுழற்பந்து வீச்சாளர் வருண் சக்கரவர்த்தியின் சமீபத்திய செயல்பாடு குறித்து ஆதரவாக பேசினார். மார்ச் 8, ஞாயிற்றுக்கிழமை அகமதாபாத்தில் உள்ள நரேந்திர மோடி மைதானத்தில் நியூசிலாந்து அணியை இந்திய அணி எதிர்கொள்ள உள்ளது.

உலகின் நம்பர் 1 டி20 பந்துவீச்சாளரான வருண் சக்கரவர்த்தி, இந்தத் தொடரின் சூப்பர் 8 சுற்று முதல் சிறப்பான ஆட்டத்தை வெளிப்படுத்தவில்லை. குறிப்பாக, அரையிறுதிப் போட்டியில் இங்கிலாந்துக்கு எதிராக மும்பையில் உள்ள வான்கடே மைதானத்தில் 1-64 என்ற மோசமான முறையில் பந்துவீசினார்.

வருண் சக்கரவர்த்தியின் மோசமான ஆட்டங்கள் இருந்தபோதிலும், கேப்டன் சூர்யகுமார் யாதவ் அவருக்கு உறுதுணையாக நின்றார். இறுதிப் போட்டியில் அவர் தனது திறமையை வெளிப்படுத்தி, அணியின் வெற்றிக்கு உதவுவார் என்பதில் சூர்யகுமார் முழு நம்பிக்கை வைத்திருப்பதாக தெரிவித்தார்.

IND vs NZ: பும்ரா கிடையாது.. பைனலில் இந்த வீரரை பார்த்து தான் நியூசிலாந்து பயப்பட வேண்டும்.. அஸ்வின்

இது குறித்து பேசிய சூர்யகுமார் யாதவ், "நாங்கள் அவரை பற்றி கவலைப்படவில்லை. அவர் உலகின் நம்பர் 1 பந்துவீச்சாளர். எந்த சமயத்தில், எந்த எதிரணிக்கு எதிராக எப்படி பந்துவீச வேண்டும் என்று அவருக்குத் தெரியும். எங்களுக்காக அவர் போட்டிகளை வெல்வார் என்பதில் உறுதியாக உள்ளேன்" என்று குறிப்பிட்டார்.

எனினும், அணியில் ஏற்படக்கூடிய மாற்றங்கள் குறித்து கேட்டபோது, சூர்யகுமார் யாதவ் தனது திட்டங்களை வெளிப்படுத்தவில்லை. "மாற்றங்களா? அது பற்றி நாளை உங்களுக்குத் தெரியும். இன்று எல்லாவற்றையும் தெரிந்துகொள்ள முடியாது அல்லவா?" என்று அவர் பதிலளித்து, கேள்வியைத் தவிர்த்தார்.

IND vs NZ Final: வயிற்றின் உள்ளே பட்டாம்பூச்சிகள் பறக்குது.. இருப்ரினும் தைரியாக இருங்கள்- கேப்டன் சூர்யகுமார்

"அணியின் மூத்த சகோதரராகவோ அல்லது தந்தையாகவோ இருந்து எந்தப் பயனும் இல்லை. காதுகளைத் திருகி எந்தக் காரியத்தையும் சாதிக்க முடியாது. அவர்களுக்கு சுதந்திரமான கைகள் தேவை. நான் அவர்களுடன் பேசாதது போலல்ல. ஆனால், அவர்களுக்கு சுதந்திரம் அளிப்பதே எனது மந்திரம்" என கேப்டன் சூர்யகுமார் குறிப்பிட்டார்.