24 வயதில் தோனியின் சாதனையை முறியடித்த ரிஷப் பண்ட்.. “தல”யின் மற்ற சாதனைகளுக்கும் ஆபத்து

மின்னல் தோனி

தோனி தனது பேட்டிங் திறமைக்கும், ஹெலிகாப்டர் ஷாட்க்கும் எந்த அளவு பிரபலமோ, அதே அளவு அவரது விக்கெட் கீப்பங் திறமைக்கும் பிரபலம். பேட்ஸ்மேன் தனது கோட்டை விட்டு வெளியே சென்று பந்து தோனியிடம் சென்றாலே அவர் அப்படியே பெவிலியனுக்கு சென்று விட வேண்டியது தான். ஏனென்றால் தோனியின் கைகள் மின்னல் வேகத்தில் ஸ்டம்பை பதம் பார்த்துவிடும். அப்படிபட்ட தோனியின் சாதனைகளை முறியடிப்பது அவ்வளவு சுலபம் அல்ல.

ரிஷப் பண்ட் சாதனை

சர்வதேச கிரிக்கெட்டில் விக்கெட் கீப்பராக அதிக டிஸ்மிசலை செய்தவர்கள் பட்டியலில் தோனி மூன்றாவது இடத்தில் உள்ளார். டெஸ்ட் கிரிக்கெட்டில் தோனி 90 டெஸ்ட்களில் விளையாடி 294 முறை பேட்ஸ்மேன்களை ஆட்டமிழக்க செய்துள்ளார். மேலும் அதிவேகமாக 100 டிஸ்மிசலை செய்த இந்திய விக்கெட் கீப்பர் என்ற பெருமையை அவர் பெற்று இருந்தார்.

24 வயதில் அபாரம்

தற்போது தோனியின் இந்த சாதனையை ரிஷப் பண்ட் தகர்த்துள்ளார். 24 வயதான ரிஷப் பண்ட், தனது 26 வது டெஸ்ட் போட்டியிலேயே 100 டிஸ்மிசலை செய்துள்ளார். இதனால் ரிஷப் பண்ட் அதிக டிஸ்மிசலை செய்த விக்கெட் கீப்பர் என்ற உலக சாதனை படைக்கும் வாய்ப்பு கூட பண்ட்க்கு உள்ளது

உச்சத்தில் தோனி

ஆனால் ஒருநாள் கிரிக்கெட் தோனி 444 டிஸ்மிசலை செய்துள்ளார். இதனை முறியடிக்க ரிஷப் பண்ட்க்கு பெரும் சவலாக இருக்கும். ஏனென்றால் இன்னும் ரிஷப் 50 டிஸ்மிசலை கூட ஒருநாள் போட்டியில் செய்யவில்லை. தோனியை போலவே தாமும் சிறந்த வீரராக ஆக வேண்டும் என்ற தனது பாதையில் முதல் வெற்றியை ரிஷப் பண்ட் பெற்றுள்ளார்