சி.எஸ்.கே. வீரரின் விக்கெட் வேட்டையால் சரிந்தது தென்னாப்பிரிக்கா.. லார்ட் என்று புகழாரம்

அட்டகாச பந்துவீச்சு

இந்திய வீரர்களின் வேகப்பந்துவீச்சை தென்னாப்பிரிக்க வீரர்கள் பீட்டர்சன் லாவகமாக எதிர்கொண்டு ரன்கள் அடித்தார். எங்கே இருந்து தான் விக்கெட் வருமோ என ரசிகர்கள் எதிர்பார்த்த நிலையில், நான் இருக்கிறேன் என்று அனல் பறக்கும் பந்துவீச்சை வெளிப்படுத்தினார் ஷர்துல் தாக்கூர்.

அடுத்தடுத்து விக்கெட்

பீட்டர்சனை 62 ரன்களிலும், டீன் எல்காரை 28 ரன்களிலும் ஷர்துல் தாக்கூர் ஆட்டமிழக்க வைத்தார். சரியாக மதிய உணவு நேரத்திற்கு முன் வெண்டர் டுசனையும் பெவிலியனுக்கு அனுப்பினார் ஷர்துல் தாக்கூர். இதே போன்று அந்த அணியின் துணை கேப்டன் பெவுமா, அதிரடியாக விளையாடி அரைசதம் கடந்தார்.

5 விக்கெட்டுகள்

அவர் இந்திய அணியிடமிருந்து ஆட்டத்தை கடத்திவிட்டு செல்வார் என எதிர்பார்த்த நிலையில் பெவுமா விக்கெட்டையும் ஷர்துல் தாக்கூர் வீழ்த்த, விக்கெட் கீப்பர் வெர்ரைனேயையும் ஆட்டமிழக்க செய்த ஷர்துல்,சர்வதேச டெஸ்டில் முதல் முறையாக 5 விக்கெட்டை வீழ்த்தினார்.பிரிஸ்பேன், நாட்டிங்கம், ஓவல் ஆகிய மைதானங்களில் பேட்டிங் மற்றும் பந்துவீச்சில் ஷர்துல் தாக்கூர் கலக்கினார்

டிரெண்டிங்கில் தாக்கூர்

இதனால் ஷர்துல் தாக்கூரை ரசிகர்கள் லார்ட் தாக்கூர் என்று அன்புடன் அழைக்கின்றனர். தற்போது 5 விக்கெட்டுகளை வீழ்த்தியதன் மூலம் லார்ட் தாக்கூர் என்று டிவிட்டரில் ரசிகர்கள் டிரெண்ட் செய்தனர். பேட்டிங்கிலும் ணர்துல் கலக்கினால் இந்தியாவுக்கு அது பெரும் உதவியை தரும் என்பது குறிப்பிடத்தக்கது.