BYE BYE Rahane..!! ரஹானேவின் இடம் காலி..!! மீண்டும் ரசிகர்களை வெறுப்பேற்றிய ரஹானே..

சீனியர் ஜோடி

இதனையடுத்து புஜாராவும், விராட் கோலியும் ஜோடி சேர்ந்து பொறுப்பான ஆட்டத்தை வெளிப்படுத்தினர். இருவரும் நல்ல பந்துகளை தொடாமல் விட்டும், மோசமான பந்துகளை பவுண்டரிக்கு விரட்டியும் ரன்களை சேர்த்தனர். இந்த ஜோடி 3வது விக்கெட்டுக்கு 62 ரன்கள் சேர்த்து அணியை சரிவிலிருந்து மீட்கும் பணியை மேற்கொண்டது.

ரஹானேவுக்கு மச்சம்

சூப்பராக விளையாடிய புஜாரா 43 ரன்களில் எதிர்பாராத விதமாக ஆட்டமிழந்தார். இதனையடுத்து களத்திற்கு வந்தார் எங்கேயோ மச்சம் உள்ள கிரிக்கெட் வீரர் ரஹானே. ஆம், இவ்வளவு மோசமாக விளையாடியும் அணியில் இருந்தால் அதற்கு பெயர் மச்சம் தானே, ரஹானே 2 பவுண்டரிகளை விளாசினார்

சொற்ப ரன்கள்

ஆனால் கொஞ்சம் பவுண்ஸ் ஆன பந்தை தேவையில்லாமல் தொட்ட ரஹானே 9 ரன்களில் ஆட்டமிழந்தார். இதனால் இந்திய அணி 116 ரன்களுக்கு 4 விக்கெட்டை இழந்து தடுமாறி வருகிறது. கடந்த டெஸ்டின் 2வது இன்னிங்சில் அரைசதம் விளாசிய ரஹானே தற்போது மீண்டும் சொற்ப ரன்களில் ஆட்டமிழந்தார்

Recommended Video

Kohli opts to bat, Umesh comes in for injured Siraj | IND vs SA 3rd Test | OneIndia Tamil

தவறான முடிவு

இதனால் ரஹானேவை அணியிலிருந்து நீக்க வேண்டும் என்று ரசிகர்கள் வலியுறுத்தி வருகின்றனர். கடந்த 15 இன்னிங்சில் ரஹானே வெறும் 3 முறை தான் அரைசதம் அடித்துள்ளார். ரஹானேவுக்காக நல்ல ஃபார்மில் இருக்கும் விஹாரியை அணிலிருந்து கோலி நீக்கினார். இது தவறான முடிவாக அமைந்துவிட்டது.