விராட் கோலி 100வது டெஸ்ட் – ரோகித் சர்மா எடுத்த அதிரடி முடிவு- இந்தியாவின் பிளேயிங் லெவன் என்ன?

10 ஆண்டுகள்

இந்திய டெஸ்ட் அணியில் புஜாரா மற்றும் ரஹானே ஆகியோர் இலங்கை தொடரில் இடம்பெறவில்லை. சுமார் 10 ஆண்டுகளுக்கு பிறகு இந்தியா முதல் முறையாக இவ்விருவரும் இல்லாமல் டெஸ்ட் போட்டியில் பங்கேற்கிறது. கே.எல். ராகுலும் காயம் காரணமாக இடம்பெறவில்லை. இதனால் 3 இடங்கள் காலியாக உள்ளதால் அதற்கு 4 வீரர்கள் போட்டி போடுகின்றனர்

தொடக்க வீரர்கள்

ரோகித்துடன் தொடக்க வீரராக களமிறங்கும் சுப்மான் கில், காயத்திலிருந்து குணமடைந்துவிட்டார். எனினும் அவரை நடுவரிசையில் களமிறக்கி, நியூசிலாந்து தொடரில் சிறப்பாக செயல்பட்ட மாயங் அகர்வால் ஓபனிங் இறங்க அதிக வாய்ப்பு உள்ளது. இதே போன்று புஜாரா இடத்தில், அவரை போலவே பொறுமையாக விளையாடும் ஹனுமா விஹாரி களமிறங்கலாம்.

நடுவரிசை

5வது வீரராக ரஹானே இடத்தில், இலங்கை தொடரில் சிறப்பாக விளையாடிய ஸ்ரேயாஸ் ஐயருக்கு வாய்ப்பு வழங்கலாம் என எதிர்பார்க்கப்படுகிறது. இதனால் சுப்மான் கில் எந்த இடத்தில் விளையாடுவார், இல்லை அணியிலிருந்த நீக்கப்படுவாரா என்ற சந்தேகம் எழுந்துள்ளது. பந்துவீச்சில் அஸ்வின், ஜடேஜா, முகமது ஷமி, பும்ரா ஆகியோர் களமிறங்க உள்ளனர்.

Recommended Video

Who is Jaydev Shah? The Person Rohit Gave Trophy to After India's Win Over SL | Oneindia Tamil

பிளேயிங் லெவன்

ஆடுகளத்தை பொறுத்த வரை முதல் 2 நாட்கள் பேட்டிங்கிற்கு சாதகமாகவும், பின்னர் சுழற்பந்துவீச்சுக்கு சாதகமாகவும் இருக்கும். இந்திய அணியின் உத்தேச பிளேயிங் லெவன் 1, ரோகித் சர்மா, 2, மாயங் அகர்வால்/சுப்மான் கில், 3, விஹாரி 4, விராட் கோலி 5, ஸ்ரேயாஸ் ஐயர்,. 6, ரிஷப் பண்ட், 7, ஜடேஜா, 8, அஸ்வின், 9, முகமது ஷமி 10, பும்ரா, 11, ஜெயந்த் யாதவ் / முகமது சிராஜ்