IND vs SL: 112 ரன்கள் பார்ட்னர்ஷிப்பை உடைத்த மானவ் சுதர்.. இருந்தும் இந்தியாவுக்கு வந்த தலைவலி

கொழும்பு: இலங்கை அணிக்கு எதிராக நடைபெற்று வரும் இரண்டாவது டெஸ்ட் போட்டியின் ஐந்தாம் நாள் ஆட்டத்தில், இந்திய அணியின் இடதுகை சுழற்பந்து வீச்சாளர் மானவ் சுதர் மதிய உணவு இடைவேளைக்குப் பிந்தைய முதல் ஓவரிலேயே விக்கெட் வீழ்த்தி அசத்தினார். இலங்கை பேட்ஸ்மேன் கேஷார நுவாந்தாவை ஆட்டமிழக்கச் செய்ததன் மூலம், ஏழாவது விக்கெட்டுக்கு நீடித்த 112 ரன்கள் பார்ட்னர்ஷிப்பை அவர் உடைத்தார்.

இலங்கை அணியின் இரண்டாவது இன்னிங்ஸின் 105-வது ஓவரில் மானவ் சுதர் வீசிய நான்காவது பந்தை நுவாந்தா தடுத்து விளையாட முயன்றார். மிடில் மற்றும் லெக் ஸ்டம்ப் லைனில் சுழன்று வந்த அந்த பந்து, பேட்டின் வெளிப்பகுதியில் பட்டு நேராக இரண்டாவது ஸ்லிப்பில் நின்றிருந்த துருவ் ஜூரலிடம் தஞ்சமடைந்தது.

இதன் மூலம் 150 பந்துகளில் 4 பவுண்டரிகளுடன் 46 ரன்கள் எடுத்திருந்த நுவாந்தா ஆட்டமிழந்தார்.நுவாந்தா மற்றும் சோனல் தினுஷா ஜோடி 242 பந்துகளில் 112 ரன்கள் சேர்த்து இலங்கை அணிக்கு வலுவூட்டியது. இந்த விக்கெட் வீழ்ந்த போது இலங்கை அணி இரண்டாவது இன்னிங்ஸில் 104.4 ஓவர்களில் 7 விக்கெட் இழப்பிற்கு 330 ரன்கள் எடுத்திருந்தது.

IND vs SL: இந்தியாவுக்கு எதிராக மாபெரும் சாதனை படைத்த இலங்கை வீரர் சோனல் தினுஷா

முன்னதாக, இப்போட்டியில் முதலில் பேட்டிங் செய்த இந்திய அணி 9 விக்கெட் இழப்பிற்கு 503 ரன்கள் எடுத்து டிக்ளேர் செய்தது. தொடர்ந்து விளையாடிய இலங்கை அணி தனது முதல் இன்னிங்ஸில் 290 ரன்களுக்கு ஆல்-அவுட் ஆனதால், காலநிலையைக் கருத்தில் கொண்டு இந்திய அணி ஃபாலோ-ஆன் கொடுத்தது.

Also Read

IND vs SL: மதிய உணவு நேரத்திலும் பேட்டிங் பயிற்சி.. 2 இன்னிங்சிலும் சதம் அடித்து சோனல் தினுஷா அபாரம்

இரண்டாவது இன்னிங்ஸில் இலங்கை பேட்ஸ்மேன்கள் சிறப்பான ஆட்டத்தை வெளிப்படுத்தினர். பசிந்து சூரியபண்டார 92 ரன்களும், கமிந்து மெண்டிஸ் 55 ரன்களும் எடுத்தனர். நான்காம் நாள் ஆட்ட நேர முடிவில் மழை குறுக்கிட்ட போது இலங்கை அணி 6 விக்கெட் இழப்பிற்கு 229 ரன்கள் எடுத்திருந்தது. பின்னர் ஐந்தாம் நாள் காலையில் தினுஷா மற்றும் நுவாந்தா ஜோடி சிறப்பாக விளையாடி, மதிய உணவு இடைவேளையின் போது அணியின் ஸ்கோரை 329/6 ஆக உயர்த்தியது. எனினும் சோனல் தொடர்ந்து அபாரமாக விளையாடி சதம் அடித்தார். 2வது இன்னிங்சில் 400 ரன்களுக்கு மேல் குவித்து வலுவான நிலையில் உள்ளார்.