இது தான் டா அறிவிப்பு! இலங்கை கிரிக்கெட்டின் "வெற்றி" திட்டம்..இந்தியா டெஸ்ட் போட்டி முற்றிலும் இலவசம்

கொழும்பு: இந்தியாவிற்கு எதிரான இரண்டு போட்டிகள் கொண்ட டெஸ்ட் தொடரைக் காண ரசிகர்களுக்கு இலவச அனுமதி வழங்கப்படும் என்று இலங்கை கிரிக்கெட் அறிவித்துள்ளது. ஆகஸ்ட் 15, அன்று காலேயில் தொடங்கவுள்ள இந்தத் தொடருக்காக, காலே சர்வதேச மைதானம் மற்றும் கொழும்பில் உள்ள சிங்களா ஸ்போர்ட்ஸ் கிளப் மைதானம் ஆகியவற்றிற்கு ரசிகர்கள் கட்டணமின்றி நேரில் சென்று போட்டிகளைக் காணலாம்.

இலங்கை ரசிகர்கள் தங்களின் உணர்ச்சிப்பூர்வமான ஆதரவிற்காக கிரிக்கெட் உலகில் அறியப்படுபவர்கள். டெஸ்ட் போட்டிகளுக்கு மைதானத்திற்கு வரும் ரசிகர்களின் எண்ணிக்கையை அதிகரிக்கவும், இந்த நீண்ட வகை கிரிக்கெட்டிற்கு கூடுதல் உத்வேகத்தை அளிக்கவும் இந்த இலவச அனுமதி முடிவு எடுக்கப்பட்டுள்ளது.

ரசிகர்கள் காலே சர்வதேச மைதானத்திற்குள் நுழைவாயில் எண் 4 வழியாகவும், கொழும்பு எஸ்.எஸ்.சி மைதானத்திற்குள் நுழைவாயில்கள் 3, 4, 5 மற்றும் 7 வழியாகவும் இலவசமாக அனுமதிக்கப்படுவார்கள் என்று தெரிவிக்கப்பட்டுள்ளது.

இந்திய அணியில் தொடர்ந்து இடம் மறுப்பு.. பிரபல படத்தின் காட்சியுடன் மவுனத்தை கலைத்த சர்பராஸ் கான்

முன்னதாக, இந்தியா மற்றும் இலங்கை இணைந்து நடத்திய 2026 டி20 உலகக் கோப்பையின் போதும் இலங்கை கிரிக்கெட் அமைப்பு பல போட்டிகளுக்கு இலவச அனுமதியை வழங்கியிருந்தது குறிப்பிடத்தக்கது. இதன் மூலம் பாகிஸ்தான் மற்றும் நெதர்லாந்து இடையேயான தொடக்க ஆட்டத்தையும், ஆஸ்திரேலியாவுக்கு எதிரான ஜிம்பாப்வேயின் வரலாற்று வெற்றியை ரசிகர்கள் மைதானத்தில் இருந்து கட்டணமின்றி கண்டு ரசித்தனர்.

Also Read

சுப்மன் கில் இல்லை என்றால், வேறு எந்த வீரருக்கு 3வது இடத்தில் பேட்டிங் செய்ய வாய்ப்பு தரலாம்?

சமீபத்தில் நடைபெற்ற ஒருநாள் தொடரில் இந்தியாவை 2-0 என்ற கணக்கில் வீழ்த்தி இலங்கை வரலாற்று சாதனையைப் படைத்திருந்தது. 1997-க்குப் பிறகு இந்தியாவின் மீதான இலங்கையின் முதல் இருதரப்பு ஒருநாள் தொடர் வெற்றி இதுவாகும். தற்போது ஷுப்மன் கில் தலைமையிலான இந்திய அணிக்கு எதிரான இந்த டெஸ்ட் தொடர், உலக டெஸ்ட் சாம்பியன்ஷிப் தரவரிசையில் தங்களுக்கு சாதகமான தாக்கத்தை ஏற்படுத்தும் என்பதால், ரசிகர்கள் தங்களுக்கு பெரும் ஆதரவை வழங்குவார்கள் என்று இலங்கை அணி நம்பிக்கையில் உள்ளது.