இலங்கை வீரர் என்ன சொன்னார் தெரியுமா? எதும் தெரியாமல் பேசாதீங்க.. மோதல் குறித்து ஜெய்ஸ்வால் விளக்கம்

கொழும்பு: இலங்கை வேகப்பந்து வீச்சாளர் அசிதா பெர்னாண்டோவை மைதானத்தில் தலையால் முட்டிய விவகாரத்தில், தனது ஆக்ரோஷமான எதிர்வினை சரியானதுதான் என்று இந்திய கிரிக்கெட் அணியின் இளம் தொடக்க ஆட்டக்காரர் யஷஸ்வி ஜெய்ஸ்வால் நியாயப்படுத்தியுள்ளார். அத்துடன், என்ன நடந்தது என்று தெரியாமல் தீர்ப்பு வழங்க வேண்டாம் என்றும் தனது விமர்சகர்களுக்கு அவர் பதிலடி கொடுத்துள்ளார்.

இந்தியா மற்றும் இலங்கை அணிகளுக்கு இடையிலான இரண்டாவது டெஸ்ட் போட்டியின் முதல் நாளின்போது இந்த மோதல் வெடித்தது. முன்னதாக, அசிதா பெர்னாண்டோ வீசிய ஓவரில் ஜெய்ஸ்வால் நான்கு பந்துகளில் மூன்று பவுண்டரிகளை அடித்திருந்தார். பின்னர், 45 ரன்கள் எடுத்திருந்த ஜெய்ஸ்வால் ஆட்டமிழந்து பெவிலியன் நோக்கி நடக்கத் தொடங்கினார்.

அப்போது, அசிதா பெர்னாண்டோ அவரை ஆக்ரோஷமாக வழியனுப்பினார். இதனால் கோபமடைந்த ஜெய்ஸ்வால், மீண்டும் மைதானத்தின் நடுவே திரும்பி வந்து அசிதாவுடன் கடுமையான வாக்குவாதத்தில் ஈடுபட்டார். இருவருக்கும் இடையிலான காரசாரமான மோதல் முற்றிய நிலையில், ஜெய்ஸ்வால் அசிதாவை நோக்கிப் பாய்ந்து தலையால் முட்டினார். உடனடியாக இலங்கை கேப்டன் தனஞ்செய டி சில்வா குறுக்கிட்டு இருவரையும் பிரித்து வைத்தார்.

ஜெய்ஸ்வால் பண்ணது தப்பு.. நீங்க மட்டும் இலங்கை வீரர்களை சீண்டலாமா? அஜய் ஜடேஜா அறிவுரை

இந்தச் சம்பவம் குறித்துப் பேசிய பிரபல வர்ணனையாளர் ஹர்ஷா போக்லே, ஜெய்ஸ்வால் தனது எல்லையை மீறிவிட்டதாகக் குறிப்பிட்டிருந்தார். இந்த வீடியோவின் கீழ் சமூக ஊடகத்தில் நேரடியாகப் பதிலளித்த ஜெய்ஸ்வால், தனது செயலை நியாயப்படுத்தியுள்ளார்.

Also Read

ஜெய்ஸ்வால் பண்ணது தப்பு.. நீங்க மட்டும் இலங்கை வீரர்களை சீண்டலாமா? அஜய் ஜடேஜா அறிவுரை

"அவர் என்ன சொன்னார் என்று உங்களுக்குத் தெரியாது என்றால், தயவுசெய்து தீர்ப்பு எழுதாதீர்கள். யாராவது எல்லையைத் தாண்டினால், அதை அவர்களுக்குப் புரிய வைக்க வேண்டும். இந்த புதிய இந்தியா போராடி பதிலடி கொடுக்கும்" என்று ஜெய்ஸ்வால் பதிவிட்டுள்ளார். களத்தில் இலங்கை வீரர் அசிதா பெர்னாண்டோ தகாத முறையில் ஏதோ பேசியதால்தான் தான் அவ்வாறு நடந்துகொண்டதாக ஜெய்ஸ்வால் இதன் மூலம் சுட்டிக்காட்டியுள்ளார். எனினும் ஜெய்ஸ்வாலுக்கு 2 போட்டிகள் தடை விதிக்கப்பட வாய்ப்புள்ளதாக செய்திகள் வெளியாகியுள்ளது. இது குறித்து ஐசிசி விரைவில் அறிவிப்பை வெளியிடும்.