IND vs WI: முதல் டி20யில் இந்திய அணி பிளேயிங் லெவன்.. 3 ஆல் ரவுண்டர்களை தேர்வு செய்த ஆகாஷ் சோப்ரா

மும்பை: மேற்கிந்தியத் தீவுகள் அணிக்கு எதிரான முதல் டி20 போட்டிக்கான இந்திய அணியின் பிளேயிங் லெவனை முன்னாள் கிரிக்கெட் வீரர் ஆகாஷ் சோப்ரா தேர்வு செய்துள்ளார். இந்திய அணி தனது சொந்த மண்ணில் மேற்கிந்தியத் தீவுகளுக்கு எதிராக ஐந்து போட்டிகள் கொண்ட டி20 தொடரில் விளையாடவுள்ளது. இதன் முதல் போட்டி அக்டோபர் 6, செவ்வாய்க்கிழமை அன்று நடைபெறவுள்ளது.

இந்த ஆட்டத்திற்கான தொடக்க வீரர்களாக அபிஷேக் சர்மா மற்றும் சஞ்சு சாம்சன் ஆகியோரைத் தேர்வு செய்துள்ள அவர், வைபவ் சூர்யவன்ஷியை அணியில் சேர்க்கவில்லை.மூன்றாவது இடத்திற்கு இஷான் கிஷனையும், நான்காவது இடத்திற்கு கேப்டன் ஸ்ரேயாஸ் ஐயரையும், ஐந்தாவது இடத்திற்கு துணை கேப்டன் திலக் வர்மாவையும் அவர் தேர்வு செய்துள்ளார்.

ஹர்திக் பாண்டியாவுக்கு மாற்று வீரர்களைத் தயார் செய்யும் நோக்கில், சிவம் துபேவை ஆறாவது இடத்திலும், நிதிஷ் குமார் ரெட்டியை ஏழாவது இடத்திலும் தேர்வு செய்துள்ள சோப்ரா, இவர்கள் இருவரும் பந்துவீச வேண்டும் என்றும் கூறியுள்ளார். அணியின் பேட்டிங் ஆழத்தைத் தக்கவைக்கும் வகையில், எட்டாவது இடத்தில் மற்றொரு ஆல்-ரவுண்டரான அக்சர் படேலை அவர் தேர்ந்தெடுத்துள்ளார்.

தற்போதைய சர்வதேச கிரிக்கெட்டில் சிறந்த ஒருநாள்,டி20 மற்றும் டெஸ்ட் பேட்டர் யார்?டேவிட் வார்னர் பளீச்

டி20 போட்டிகளுக்குத் திரும்பியுள்ள சுழற்பந்து வீச்சாளர் குல்தீப் யாதவை ஒன்பதாவது இடத்தில் தேர்வு செய்துள்ள அவர், அவரது பந்துவீச்சைக் காண விரும்புவதாகக் குறிப்பிட்டுள்ளார். வேகப்பந்து வீச்சாளர்களைப் பொறுத்தவரை, அர்ஷ்தீப் சிங்கை பத்தாவது இடத்திற்குப் பரிந்துரைத்துள்ளார். கடைசி இடத்திற்கு லக்னோ சூப்பர் ஜெயண்ட்ஸ் வேகப்பந்து வீச்சாளர்களான பிரின்ஸ் யாதவ் மற்றும் மயங்க் யாதவ் ஆகிய இருவருக்கு இடையே கடும் போட்டி இருக்கும் என்று சோப்ரா கணித்துள்ளார்.

Also Read

ரோகித் சர்மா ஓய்வு பெறும் போது, வருத்தப்படுவார்.. வயதை விட இது அதிகமாக இருக்கனும்.. கவாஸ்கர் அறிவுரை

பிரின்ஸ் யாதவ் சற்றே முன்னிலையில் இருப்பதாகக் கருதும் அவர், மயங்க் யாதவின் அசுர வேகத்தையும் இந்தியா பயன்படுத்திக் கொள்ள முடியும் என்று தெரிவித்துள்ளார்.இந்திய அணி பிளேயிங் லெவன்: அபிஷேக் சர்மா, சஞ்சு சாம்சன், இஷான் கிஷன், ஸ்ரேயாஸ் ஐயர் (கேப்டன்), திலக் வர்மா, சிவம் துபே, நிதிஷ் குமார் ரெட்டி, அக்சர் படேல், குல்தீப் யாதவ், அர்ஷ்தீப் சிங், பிரின்ஸ் யாதவ்/மயங்க் யாதவ்.