IND vs WI: 5வது டி20யில் இந்திய அணியின் பிளேயிங் லெவன்.. 2 மாற்றம் செய்ய வாய்ப்பு

வெஸ்ட் இண்டீஸுக்கு எதிரான ஐந்தாவது டி20 போட்டியில் இந்திய அணி பெங்களூருவில் உள்ள சின்னசுவாமி மைதானத்தில் நாளை சனிக்கிழமை களமிறங்குகிறது. நான்கு விறுவிறுப்பான போட்டிகளுக்குப் பிறகு நடைபெறும் இறுதிப் போட்டியை வெல்லும் அணியே தொடரை கைப்பற்றும். ஆனால் பயிற்சியாளர் கம்பீர் தொடரை வெல்வதை விட, அணியை கட்டமைக்கும் முயற்சியிலேயே ஈடுபடுவார் என எதிர்பார்க்கப்படுகிறது.

ஹைதராபாத்தில் நடைபெற்ற கடந்த போட்டியில் ஆல்ரவுண்டர்களான நிதிஷ் குமார் ரெட்டி மற்றும் நமன் தீர் பந்துவீச்சில் சற்றே தடுமாறினாலும், நிர்வாகம் தொடர்ந்து அவர்களுக்கு வாய்ப்பளிக்கக் கூடும். நிதிஷ் குமார் ரெட்டி பந்துவீச்சு மற்றும் ஃபீல்டிங்கில் சிறப்பான திறனை வெளிப்படுத்தி வருகிறார்.

மேலும் நமன் தீர் மற்றும் நிதிஷ் இருவரும் அதிரடியாகப் போட்டியை முடிக்கும் திறனைக் கொண்டுள்ளனர். அதேவேளையில், 15 வயதான வைபவ் சூரியவன்சிக்கு வாய்ப்பு வழங்கப்பட வேண்டும் என்ற எதிர்பார்ப்பு இருந்தாலும், தொடக்க ஆட்டக்காரர்களான அபிஷேக் சர்மா மற்றும் சஞ்சு சாம்சன் ஆகியோர் ரன்கள் சேர்த்து வருவதால் தற்போதைய கூட்டணியை மாற்றுவது கடினம்.

IND vs WI: கம்பீரின் செல்லப்பிள்ளை பந்துவீச்சில் செய்த தவறு.. வெற்றி பெற உடனே சரி செய்யனும்- ஜாபர்

அர்ஷ்தீப் சிங், பிரின்ஸ் யாதவ் மற்றும் மயங்க் யாதவ் ஆகிய மூவர் அடங்கிய வேகப்பந்து வீச்சு கூட்டணி, பேட்டிங்கிற்குச் சாதகமான மைதானத்தில் ரன்களை வாரி வழங்குகிறது. இதனால் இடதுகை சுழற்பந்து வீச்சாளர் குல்தீப் யாதவ் மீண்டும் அணியில் சேர்க்கப்பட அதிக வாய்ப்புள்ளது. இ

துவரை 56 டி20 போட்டிகளில் விளையாடி 98 விக்கெட்டுகளை வீழ்த்தியுள்ள குல்தீப் யாதவ், சின்னசுவாமி மைதானத்தில் 6 போட்டிகளில் 9 விக்கெட்டுகளைக் கைப்பற்றி சிறந்த சாதனையை வைத்துள்ளார். இதனால் அவருக்கு பதிலாக மயங்க் யாதவ் இப்போட்டியில் நீக்கப்படலாம்.

Also Read

IND vs WI: இந்திய அணியில் இவர் இருந்திருந்தால், ஆட்டத்தை தனி வீரராக மாற்றியிருப்பார்-வசீம் ஜாபர்

இந்திய அணியின் பிளேயிங் லெவன்: சஞ்சு சாம்சன், அபிஷேக் சர்மா, இஷான் கிஷன், ஸ்ரேயாஸ் ஐயர் (கேப்டன்), திலக் வர்மா, அக்சர் படேல், நிதிஷ் ரெட்டி, நமன் தீர், குல்தீப் யாதவ், பிரின்ஸ் யாதவ், அர்ஷ்தீப் சிங்.