IND vs WI: அபிஷேக் சர்மா 5 பந்துகள் தாண்டினால், எதிரணி கதை முடிந்தது- புஜாரா பாராட்டு

மும்பை: மேற்கிந்தியத் தீவுகளுக்கு எதிரான மூன்றாவது டி20 போட்டியில், அரைசதம் விளாசிய தொடக்க ஆட்டக்காரர் அபிஷேக் சர்மாவுக்கு முன்னாள் இந்திய வீரர் சேதேஷ்வர் புஜாரா புகழாரம் சூட்டியுள்ளார். இந்தத் தொடர் முழுவதும் தம்மை அச்சுறுத்தி வந்த ரோஸ்டன் சேஸின் பந்துவீச்சை எதிர்கொள்ள அபிஷேக் சற்று நிதானம் காட்டியதை புஜாரா வெகுவாகப் பாராட்டியுள்ளார்.

இப்போட்டியில் 30 பந்துகளில் 69 ரன்கள் குவித்து அசத்திய அபிஷேக் சர்மாவின் அதிரடியால், இந்திய அணி 14 ரன்கள் வித்தியாசத்தில் வெற்றி பெற்றது. இந்தூர் ஹோல்கர் மைதானத்தில் நடைபெற்ற இப்போட்டியில் முதலில் பேட் செய்த இந்தியா 223 ரன்கள் குவித்தது. தொடர்ந்து களமிறங்கிய மேற்கிந்தியத் தீவுகள் அணி 209 ரன்கள் மட்டுமே எடுத்து தோல்வியடைந்தது.

ரோஸ்டன் சேஸின் பந்துவீச்சில் நிதானமான தொடக்கத்தைக் கண்ட அபிஷேக் சர்மா, பிட்சின் தன்மையைப் புரிந்து கொண்ட பிறகு அதிரடியில் இறங்கினார். இது குறித்து பேசிய புஜாரா, "அவர் 5-6 பந்துகளை எடுத்துக்கொண்டார். அதிரடி பேட்டரான அவருக்கு இது பெரிய விஷயம். ஆனால், சேஸ் சிறப்பாகப் பந்துவீசியதால், அவரது பந்துவீச்சு மற்றும் ஆடுகளத்தின் தன்மையைக் கவனிக்க விராட் செய்ததாக அவரே பேட்டியில் கூறினார்.

இந்த 26 வயது வீரர் மீது அவ்வளவு பயம்.. அவர் விக்கெட்டை வீழ்த்த எதிரணி விரும்பும்- தினேஷ் கார்த்திக்

அதன் பிறகே அவர் தன் இயல்பான அதிரடியைத் தொடங்கினார். 5,6 பந்துகள் தாண்னைலே எதிரணி கதை முடிந்துவிடும். ரன் சேர்க்கும் வாய்ப்புகள் எங்கு உள்ளன என்பதை அவர் சரியாகக் கணித்தார்" என்றார். தொடரின் முதல் டி20 போட்டியில் 21 ரன்களுடனும், இரண்டாவது போட்டியில் 20 ரன்களுடனும் சேஸின் பந்துவீச்சில் அபிஷேக் ஆட்டமிழந்திருந்தார். ஆனால், மூன்றாவது போட்டியில் நிதானமாகத் தொடங்கி, 6 பவுண்டரிகள் மற்றும் 5 சிக்ஸர்களை விளாசினார்.

Also Read

சாய் சுதர்சன் மீண்டும் காயம்.. நியூசிலாந்து டெஸ்ட் தொடரில் விலக வாய்ப்பு

இந்த ஆட்டத்தின் போது, டி20 கிரிக்கெட்டில் மிகக் குறைந்த பந்துகளில் 2,000 ரன்களைக் கடந்த வீரர் என்ற வரலாற்றுச் சாதனையை அபிஷேக் சர்மா படைத்தார். இதற்கு முன் சூரியகுமார் யாதவ் 1,164 பந்துகளில் இச்சாதனையைச் செய்திருந்ததே உலக சாதனையாக இருந்தது.