IND vs WI: இந்த 26 வயது வீரருக்கு தங்கமான வாய்ப்பு கிடைத்திருக்கு.. இது வரப்பிரசாதம்- இர்பான் பதான்

மும்பை: வெஸ்ட் இண்டீஸ் அணிக்கு எதிரான ஒருநாள் கிரிக்கெட் தொடர், இந்திய வேகப்பந்து வீச்சாளர் குர்னூர் பிரார்க்கு ஒரு பொன்னான வாய்ப்பு என்று முன்னாள் ஆல்-ரவுண்டர் இர்பான் பதான் தெரிவித்துள்ளார். இந்த ஆண்டின் தொடக்கத்தில் ஆப்கானிஸ்தானுக்கு எதிரான உள்நாட்டு ஒருநாள் தொடரில் 26 வயதான பிரார் இந்திய அணிக்காக அறிமுகமானார்.

2026 ஆசிய விளையாட்டுப் போட்டிகளும் வெஸ்ட் இண்டீஸ் தொடரும் ஒரே நேரத்தில் நடப்பதால், முன்னணி வீரர்கள் பலர் இந்த ஒருநாள் தொடரில் இடம்பெறவில்லை. இதனால், நிதிஷ் குமார் ரெட்டி மற்றும் துருவ் ஜூரெல் போன்ற இளம் வீரர்களுக்கும் தங்களை நிரூபிக்க இது ஒரு சிறந்த வாய்ப்பு என்று இர்பான் பதான் தெரிவித்துள்ளார்.

இந்திய அணியின் தேர்வு குறித்து ஸ்டார் ஸ்போர்ட்ஸ் தொலைக்காட்சியில் பேசிய இர்பான் பதான், "இது இந்தியாவின் முதன்மை அணி அல்ல. முக்கிய வீரர்கள் பலர் ஆசிய விளையாட்டுப் போட்டிகளில் விளையாடுவதால், மாற்று வீரர்களுடன் களமிறங்குவதே சரியான வழிமுறையாகும். இது நிதிஷ் குமார் ரெட்டி மற்றும் துருவ் ஜூரெல் ஆகியோருக்கு ஒரு மிகப்பெரிய வாய்ப்பாகும்.

ஆசிய விளையாட்டு போட்டி தொடக்க விழா எப்போது? எந்த சேனல்? டெக்பாலில் பறிப்போன தங்கம்

குறிப்பாக, குர்னூர் பிரார் தனது சர்வதேச வாழ்க்கையை அடுத்த கட்டத்திற்கு கொண்டு செல்ல இது ஒரு பொன்னான வாய்ப்பாக அமையும். வெஸ்ட் இண்டீஸ் போன்ற அணிக்கு எதிராக இந்தியா இதுபோன்ற மாற்று வீரர்களைக் கொண்ட அணியை களம் இறக்குவது நல்ல பலனைத் தரும்" என்று கூறியுள்ளார்.

Also Read

இந்தியாவுக்கு அடிச்ச லக்.. நியூசிலாந்து வீரர் ரச்சின் ரவீந்திராவுக்கு காயம்.. டி20,டெஸ்டில் சந்தேகம்

இந்திய அணிக்காக இதுவரை 6 ஒருநாள் போட்டிகளில் விளையாடியுள்ள பிரார், 11 விக்கெட்டுகளை வீழ்த்தி அசத்தியுள்ளார். இருப்பினும், அவரது எகானமி ரேட் 7க்கு அருகில் இருப்பது சற்று பலவீனமாகப் பார்க்கப்படுகிறது. அடுத்த ஆண்டு ஒருநாள் உலகக் கோப்பை தொடர் நடைபெறவுள்ள நிலையில், ஒரே நேரத்தில் வெஸ்ட் இண்டீஸ் தொடரும் ஆசிய விளையாட்டுப் போட்டியும் நடைபெறுவது இந்திய அணிக்கு கிடைத்த ஒரு மறைமுகமான ஆசீர்வாதம் என்று இர்பான் பதான் தெரிவித்துள்ளார்.