IND vs ZIM: இந்திய அணி பிளேயிங் லெவனில் இன்று 4 மாற்றத்திற்கு வாய்ப்பு.. 2 பேர் அறிமுகம்

ஹராரே: ஜிம்பாப்வேக்கு எதிரான மூன்றாவது டி20 கிரிக்கெட் போட்டியில், முக்கிய வீரர்களின் காயம் மற்றும் ஏற்கனவே தொடரை வென்றதால் இந்திய அணியின் பிளேயிங் லெவனில் பல முக்கிய மாற்றங்கள் செய்யப்பட வாய்ப்புள்ளது. குறிப்பாக பிரப்சிம்ரன் சிங் மற்றும் ஹர்ஷ் துபே ஆகிய இளம் வீரர்கள் சர்வதேச டி20 போட்டியில் அறிமுகமாகலாம் என்று எதிர்பார்க்கப்படுகிறது.

ஹராரேயில் ஞாயிற்றுக்கிழமை நடைபெறும் இந்தியா , ஜிம்பாப்வேக்கு இடையிலான இந்த மூன்றாவது போட்டி, இந்திய அணிக்கு வெறும் சம்பிரதாய போட்டியாகவே அமையவுள்ளது. சனிக்கிழமையன்று நடைபெற்ற இரண்டாவது போட்டியில் 90 ரன்கள் வித்தியாசத்தில் அபார வெற்றி பெற்ற ஸ்ரேயாஸ் ஐயர் தலைமையிலான இந்திய அணி, 2-0 என்ற கணக்கில் ஏற்கனவே தொடரைக் கைப்பற்றியுள்ளது.

இந்தியா எளிதாக வெற்றி பெற்றாலும், வேகப்பந்து வீச்சாளர் பிரின்ஸ் யாதவ் தனது இரண்டாவது ஓவரை வீசியபோது ஏற்பட்ட காயம் காரணமாக மைதானத்தில் இருந்து வெளியேறியது அணிக்கு பின்னடைவாக பார்க்கப்படுகிறது. இதனால் அவர் மூன்றாவது போட்டியில் விளையாட மாட்டார் என்று தெரிகிறது. அவருக்குப் பதிலாக, முதல் போட்டியில் அறிமுகமான அசோக் சர்மா அணியில் சேர்க்கப்பட அதிக வாய்ப்புள்ளது.

IND vs ZIM: 3வது டி20யில் 25 வயது பஞ்சாப் வீரருக்கு வாய்ப்பு கொடுங்க.. அபிஷேக் சர்மாவை நீக்காதீங்க!

இந்திய அணி தொடரை வென்றுவிட்டதால், பெஞ்சில் இருக்கும் வீரர்களை சோதித்துப் பார்க்க இதுவே சரியான தருணம். விக்கெட் கீப்பர்-பேட்ஸ்மேன் பிரப்சிம்ரன் சிங் மற்றும் சுழற்பந்து வீச்சு ஆல்-ரவுண்டர் ஹர்ஷ் துபே ஆகியோருக்கு அறிமுக வாய்ப்பு கிடைக்கக்கூடும்.

இஷான் கிஷனுக்கு ஓய்வளித்துவிட்டு பிரப்சிம்ரன் சிங்கிற்கு வாய்ப்பு வழங்கப்படலாம். அதே நேரத்தில், இந்தத் தொடரில் இதுவரை பெரிய தாக்கத்தை ஏற்படுத்தாத அபிஷேக் சர்மாவுக்கு ஓய்வு அளிக்கப்படலாம். கடந்த போட்டியில் 9 பந்துகளில் 20 ரன்கள் எடுத்த வைபவ் சூர்யவன்ஷிக்கு மீண்டும் ஒரு வாய்ப்பு வழங்கப்படலாம்.

வைபவ் சூர்யவன்ஷி எங்களுக்கு எல்லாம் தம்பி போன்றவர்.. ரொம்பவும் புத்திசாலி பையன்- இசான் கிஷன்

ஆப்கானிஸ்தானுக்கு எதிரான ஒருநாள் போட்டியில் விளையாடிய ஹர்ஷ் துபே, லெக் ஸ்பின்னர் ரவி பிஷ்னோய்க்குப் பதிலாகவோ அல்லது திலக் வர்மாவுக்குப் பதிலாகவோ விளையாடக்கூடும். மேலும், ஆல்-ரவுண்டர் சிவம் துபேவுக்குப் பதிலாக சூர்யேஷ் ஷெட்ஜேவுக்கு வாய்ப்பு வழங்கப்படலாம். இந்திய அணி பிளேயிங் லெவன்: பிரப்சிம்ரன் சிங், வைபவ் சூர்யவன்ஷி, இஷான் கிஷன் (விக்கெட் கீப்பர்), ஸ்ரேயாஸ் ஐயர் (கேப்டன்), திலக் வர்மா, ரிங்கு சிங், சூர்யேஷ் ஷெட்ஜே, ஹர்ஷ் துபே, அசோக் சர்மா, யஷ் தாக்கூர் மற்றும் மயங்க் யாதவ்.