IND vs ZIM 2வது டி20.. இந்திய அணியில் அறிமுகமாகும் பவுலர்.. பிளேயிங் லெவனில் ஒரு மாற்றம்

ஹராரே: இந்தியா மற்றும் ஜிம்பாப்வே அணிகளுக்கு இடையிலான 2வது டி20 போட்டியில் டாஸ் வென்ற ஜிம்பாப்வே அணியின் கேப்டன் சிக்கந்தர் ராசா பந்துவீச்சை தேர்வு செய்தார். இந்திய அணியின் பிளேயிங் லெவனில் ஒரு முக்கிய மாற்றம் செய்யப்பட்டுள்ளது. இளம் வேகப் பந்துவீச்சாளருக்கு சர்வதேச அறிமுகம் ஆகும் வாய்ப்பு கிடைத்துள்ளது.

ஹராரே மைதானத்தில் நடைபெறும் இப்போட்டியில் டாஸ் வென்ற ஜிம்பாப்வே கேப்டன் சிக்கந்தர் ராசா, "குளிர்கால சூழலில் தொடக்கத்தில் பிட்ச்சில் ஈரப்பதம் இருக்கும் என்பதால் முதலில் பந்துவீச முடிவு செய்துள்ளோம்" என்றார். அதே நேரத்தில் இந்திய கேப்டன் ஸ்ரேயாஸ் ஐயர், "நாங்கள் முதலில் பேட்டிங் செய்யவே விரும்பினோம். இந்த பிட்ச் முதல் போட்டியை விட பேட்டிங்கிற்கு நன்றாக இருக்கும் என்று தெரிகிறது" என்று கூறினார்.

ஜிம்பாப்வே அணி எவ்வித மாற்றமும் இன்றி முந்தைய போட்டியின் அதே வீரர்களுடன் களம் இறங்குகிறது. இந்திய அணியில் ஒரு மாற்றம் செய்யப்பட்டுள்ளது. வேகப்பந்து வீச்சாளர் அசோக் சர்மாவுக்குப் பதிலாக வேகப்பந்து வீச்சாளர் யாஷ் தாக்கூர் அணியில் சேர்க்கப்பட்டு இருக்கிறார். யாஷ் தாக்கூருக்கு இது சர்வதேச அறிமுகம் ஆகும்.

முதல் போட்டியில் 18 பந்துகளில் அரை சதம் விளாசி உலக சாதனை படைத்த வைபவ் சூர்யவன்ஷி, அபிஷேக் சர்மாவுடன் மீண்டும் தொடக்க வீரராக களம் இறங்குகிறார். நடுவரிசையில் இஷான் கிஷன், ஸ்ரேயாஸ் ஐயர், திலக் வர்மா, அதிரடி மன்னன் ரிங்கு சிங் மற்றும் சிவம் துபே ஆகியோர் பெற்று உள்ளனர்.

பந்துவீச்சில் மயங்க் யாதவ், பிரின்ஸ் யாதவ், யாஷ் தாக்கூர் ஆகிய 3 வேகப்பந்து வீச்சாளர்களுடன் முதன்மை சுழற்பந்து வீச்சாளராக ரவி பிஷ்னோய் இடம் பெற்று உள்ளார்.

முதல் போட்டியில் 7 விக்கெட் வித்தியாசத்தில் அபார வெற்றி பெற்று தொடரில் 1-0 என முன்னிலையில் உள்ள இந்திய அணி, இந்தப் போட்டியிலும் வெற்றி பெற்று தொடரைக் கைப்பற்றும் தீவிர முனைப்பில் உள்ளது.

ஸ்ரேயாஸ், பும்ரா உள்பட 8 வீரர்கள் வெஸ்ட் இண்டீஸ் ODI தொடரில் ஆட மாட்டார்கள்.. பின்னணி என்ன?

இந்திய அணியின் பிளேயிங் லெவன்: வைபவ் சூர்யவன்ஷி, அபிஷேக் சர்மா, இஷான் கிஷன் (விக்கெட் கீப்பர்), ஸ்ரேயாஸ் ஐயர் (கேப்டன்), திலக் வர்மா, ரிங்கு சிங், சிவம் துபே, ரவி பிஷ்னோய், பிரின்ஸ் யாதவ், யாஷ் தாக்கூர், மயங்க் யாதவ்.