IND vs ZIM: 3வது டி20யில் 25 வயது பஞ்சாப் வீரருக்கு வாய்ப்பு கொடுங்க.. அபிஷேக் சர்மாவை நீக்காதீங்க!

ஹராரே: ஜிம்பாப்வே அணிக்கு எதிரான மூன்றாவது டி20 போட்டியில் பிராப்சிம்ரன் சிங் அறிமுக வீரராக களம் இறங்குவதற்கு ஏதுவாக, அபிஷேக் சர்மாவுக்குப் பதிலாக இஷான் கிஷனை அணியிலிருந்து நீக்க வேண்டும் என்று ஆகாஷ் சோப்ரா கருத்து தெரிவித்துள்ளார்.

ஜிம்பாப்வேக்கு எதிரான மூன்று போட்டிகள் கொண்ட டி20 தொடரை இந்திய அணி ஏற்கனவே 2-0 என்ற கணக்கில் கைப்பற்றிவிட்டது. இதனால், கடைசி போட்டியில் புதிய வீரர்களுக்கு வாய்ப்பளித்து பரிசோதனை செய்ய நல்ல சூழல் உருவாகியுள்ளது. பஞ்சாப் கிங்ஸ் அணிக்காக ஐபிஎல் தொடரில் சிறப்பான ஆட்டத்தை வெளிப்படுத்திய விக்கெட் கீப்பர்-பேட்ஸ்மேனான பிரப்சிம்ரன் சிங்குக்கு இந்த போட்டியில் வாய்ப்பளிக்கப்படலாம் என்று எதிர்பார்க்கப்படுகிறது.

இந்த தொடரில் வைபவ் சூர்யவன்ஷியுடன் இணைந்து அபிஷேக் சர்மா தொடக்க வீரராக களம் இறங்கி வருகிறார். சூர்யவன்ஷி ஏற்கனவே அரைசதம் அடித்துள்ளதால் அவரை அணியிலிருந்து நீக்க வாய்ப்பில்லை. எனவே, அபிஷேக் சர்மா அல்லது இஷான் கிஷன் ஆகிய இருவரில் ஒருவருக்கு மட்டுமே அணியில் இடம் கிடைக்கும் நிலை உள்ளது.

IND vs ZIM: திலக் வர்மா மாபெரும் சாதனை.. ரோகித், கோலி, ரெய்னா பட்டியலில் இணைந்தார்

அபிஷேக் சர்மா முதல் இரண்டு போட்டிகளில் 1 மற்றும் 8 ரன்களுக்கு ஆட்டமிழந்தாலும், இரண்டாவது போட்டியில் மூன்று விக்கெட்டுகளை வீழ்த்தி அசத்தினார். மறுபுறம், இஷான் கிஷன் முதல் போட்டியில் 35 ரன்களும், இரண்டாவது போட்டியில் 81 ரன்களும் குவித்துள்ளார்.

இதுகுறித்து தனது யூடியூப் சேனலில் பேசிய ஆகாஷ் சோப்ரா, "நான் பிரப்சிம்ரனை விளையாட வைக்க வேண்டும் என்று நினைக்கிறேன். அவரது தவறு என்ன? நீங்கள் பிரப்சிம்ரன் சிங்கை தேர்வு செய்துள்ளீர்கள், ஆனால் அவரை மீண்டும் எப்போது விளையாட வைப்பீர்கள் என்று தெரியாது. இந்திய அணி ஏற்கனவே தொடரை வென்றுவிட்டது" என்று கூறினார்.

"அபிஷேக் சர்மாவுக்குப் பதிலாக பிரப்சிம்ரனை விளையாட வைக்க வேண்டாம். அபிஷேக் இன்னும் ரன்கள் குவிக்கவில்லை. அவருக்கு இரண்டு போட்டிகள் மட்டுமே மோசமாக அமைந்துள்ளன. எனவே, இந்த மூன்றாவது போட்டியிலும் அவருக்கு வாய்ப்பளியுங்கள். அவரை ரன்கள் குவிக்க வையுங்கள், பந்துவீச்சு தேவைப்பட்டால் அதையும் செய்யச் சொல்லுங்கள். இஷான் கிஷனுக்கு ஓய்வு அளிக்கலாம். பிரப்சிம்ரன் சிங் விக்கெட் கீப்பிங் பணியையும் எளிதாக கையாளுவார். எனவே, இது பிரப்சிம்ரனுக்கு வழங்க வேண்டிய ஒரு நல்ல வாய்ப்பு" என்று அவர் கூறினார்.

நான் நின்றால் ரன்கள் வரும் என நினைத்தோம்.. கூட்டு முயற்சிக்கு கிடைத்த வெற்றி.. இசான் கிஷன் கருத்து

ஒருவேளை இஷான் கிஷனுக்குப் பதிலாக பிரப்சிம்ரன் சிங் களமிறக்கப்பட்டால், அவர் மூன்றாவது வரிசையில் பேட்டிங் செய்ய வேண்டியிருக்கும். அவர் ஐபிஎல் தொடரில் ஏழு முறை 3வது வீரராக விளையாடி, 139.78 ஸ்ட்ரைக் ரேட்டுடன் மொத்தம் 130 ரன்கள் எடுத்துள்ளார் என்பது குறிப்பிடத்தக்கது.