சமநிலையில் இரு அணிகளும்...
தற்போதைய நிலையில் இரு அணிகளும் 1-1 என சமநிலையில் உள்ளன. இத்தொடரின் வெற்றி தோல்வியை தீர்மானிக்கும் போட்டி தர்மசாலாவில் நடைபெற்று வருகிறது.
கோஹ்லி ஆப்சென்ட்
தோள்பட்டை காயத்தில் இருந்து மீளாத கேப்டன் கோஹ்லி இந்த டெஸ்டில் ஆடவில்லை. நேற்று தொடங்கிய 4-வது மற்றும் இறுதிப் போட்டியில் டாஸ் ஜெயித்தது ஆஸ்திரேலியா.
300 ரன்கள்...
அந்த அணி பேட்டிங்கை தேர்வு செய்தது. ஆஸ்திரேலிய அணி 88.3 ஓவர்களில் 300 ரன்கள் எடுத்த நிலையில் அனைத்து விக்கெட்டுகளையும் பறிகொடுத்தது. இந்திய அணியின் குல்தீப் யாதவ் 4 விக்கெட்டுகளையும், உமேஷ் யாதவ் 2 விக்கெட்டுகளையும் அள்ளினர்.
248 ரன்கள்..
இதனையடுத்து இந்திய அணி முதல் இன்னிங்ஸை தொடங்கியது. இன்றைய 2-வது நாள் ஆட்டம் முடிவில் இந்தியா 6 விக்கெட்கள் இழப்புக்கு 248 ரன்களை எடுத்தது. சஹா 10, ஜடேஜா 16 ரன்களுடன் களத்தில் உள்ளனர். ஆஸ்திரேலியாவை விட இந்திய அணி 52 ரன்கள் பின்தங்கி உள்ளது.
லயன் மிரட்டல்
ஆஸ்திரேலிய அணியின் லயன் அதிரடியாக பந்துவீசி 4 விக்கெட்டுகளை வீழ்த்தினார். இந்திய அணி வீரர்களும் ஆஸ்திரேலியாவின் பந்து வீச்சை திறமையாக எதிர்கொண்டனர் என்பது குறிப்பிடத்தக்கது.