IND vs NZ: 23 சிக்சர், 17 பவுண்டரிகள்.. திருவனந்தபுரத்தில் இந்தியா ரன்கள் மழை.. 3வது பெரிய சாதனை

திருவனந்தபுரம்: நியூசிலாந்துக்கு எதிரான 5வது டி20 போட்டியில் இந்திய அணி 271/5 என்ற வலுவான ஸ்கோருடன் ஆதிக்கம் செலுத்தியது. திருவனந்தபுரத்தில் நடைபெற்ற 5வது டி20 போட்டியில் இளம் விக்கெட் கீப்பர் பேட்ஸ்மேன் இஷான் கிஷன் தனது முதல் சர்வதேச இருபது ஓவர் சதத்தை பதிவு செய்து அசத்தினார். அவர் 43 பந்துகளில் 103 ரன்கள் விளாசினார்.

கேப்டன் சூர்யகுமார் யாதவ் 30 பந்துகளில் 63 ரன்கள் குவித்து இஷான் கிஷனுக்கு சிறந்த ஆதரவை வழங்கினார். அதைத் தொடர்ந்து ஹர்திக் பாண்டியா 17 பந்துகளில் 42 ரன்கள் எடுத்து அதிரடி காட்டினார். இவர்களின் சிறப்பான ஆட்டம் இந்திய அணியின் மொத்த ஸ்கோரை உயர்த்த முக்கிய பங்காற்றியது.

முன்னதாக, அபிஷேக் ஷர்மா 16 பந்துகளில் 30 ரன்கள் குவித்து நல்ல தொடக்கம் தந்தாலும், சஞ்சு சாம்சன் இந்தத் தொடரில் ஐந்தாவது முறையாக சொற்ப ரன்களில் வெளியேறினார். இஷான் கிஷன் மற்றும் சூர்யகுமார் யாதவ் இடையிலான சிறப்பான கூட்டணி 137 ரன்களை வேகமாக சேர்த்து, ஆட்டத்தின் போக்கையே மாற்றியது. அவர்களது அபாரமான பேட்டிங் அனைவரையும் கவர்ந்தது.

இந்தப்போட்டி இந்திய அணிக்குத் இந்தத் தொடரில் விளையாடிய போட்டிகளில் மிகவும் அதிரடியான ஆட்டமாக அமைந்தது. டாஸ் வென்று முதலில் பேட்டிங்கைத் தேர்ந்தெடுத்த கேப்டன் சூர்யகுமார் யாதவ், அணியின் திறனைச் சோதிக்க விரும்புவதாகக் குறிப்பிட்டிருந்தார். அதன் விளைவாக, இத்தொடரின் அதிகபட்ச ஸ்கோரை இந்தியா பதிவு செய்தது.

இந்திய பேட்ஸ்மேன்கள் மொத்தம் 23 சிக்ஸர்களை விளாசி மைதானம் முழுவதும் பந்துகளை பறக்கவிட்டனர். இது இந்தியாவின் மூன்றாவது அதிகபட்ச இருபது ஓவர் சர்வதேச ஸ்கோர் ஆகும். இந்த ரன் மழைக்கு நியூசிலாந்து பந்துவீச்சாளர்கள் பதில் சொல்ல முடியாமல் திணறினர், அவர்களுக்கு இது மறக்க முடியாத ஒரு நாளாக அமைந்தது.

இமாலய இலக்கை துரத்திய நியூசிலாந்து அணிக்கு, துவக்க ஆட்டக்காரர்களான டிம் செய்ஃபர்ட் மற்றும் ஃபின் ஆலன் ஆகியோர் வேகமான தொடக்கத்தை அளித்தனர். அர்ஷ்தீப் சிங்கின் பந்துவீச்சில் இருவரும் பவுண்டரிகளை அடித்து ரன் கணக்கைத் திறந்தனர். முதல் ஓவரின் 0.6 ஓவரிலேயே 17 ரன்கள் எடுத்தது, சேஸிங்கின் ஆரம்பத்திலேயே விறுவிறுப்பைக் கூட்டி இருக்கிறது.