வாத்துக் கூட்டமாக மாறிப் போன இந்திய கிரிக்கெட் வீரர்கள்!

ஏதோ டோணி இருக்கப் போய்

இந்திய அணி 112 ரன்களுக்கு ஆல் அவுட்டானது. கேப்டன் கூல் மகேந்திர சிங் டோணி, 65 ரன்கள் எடுத்து மிகவும் மோசமான தோல்வியில் இருந்து அணியைக் காப்பாற்றினார்.

3 பேருக்கு டபுள்

இந்திய அணியில் டோணி உள்பட 3 பேர் மட்டுமே இரட்டை இலக்க ரன்களை எடுத்தனர். 3 பேர் ஒற்றை இலக்க ரன்கள் எடுத்தனர். அதே நேரத்தில் 5 பேர் ஒரு ரன் கூட எடுக்கவில்லை.

4 டக் அவுட்

இதில் 4 பேர் டக்-அவுட்டாயினர். கடைசியாக வந்த யுஸ்வேந்திர சாஹல் 9 பந்துகளைச் சந்தித்தபோதும் ரன் ஏதும் எடுக்காமல் அவுட்டாகாமால் இருந்தார். ஒரு போட்டியில் அதிக டக்அவுட் என்ற சாதனைப் பட்டியலில், 6 டக் அவுட்களுடன் பல அணிகள் உள்ளன.

மோசமான சாதனை வராமல் போச்சே

அதேபோல் பல அணிகள் 5 டக் அவுட்களை சந்தித்துள்ளன. ஆனால், அந்தப் பட்டியல்களில் இந்திய அணி இல்லை. கடைசி நேரத்தில் அந்த மோசமான சாதனைப் பட்டியலில் சேருவதில் இருந்து தப்பியுள்ளது.