ஐசிசி ரிலீஸ் செய்த டெஸ்ட் சாம்பியன்ஷிப் லிஸ்ட்..! இந்தியாவோட நிலைமை இப்போ இதுதான்..!!

168 ரன்களுடன் டிக்ளேர்

இதையடுத்து 299 ரன்கள் முன்னிலையுடன் 2வது இன்னிங்சை தொடங்கிய இந்தியா, 4 விக்கெட்டுகள் இழப்பிற்கு 168 ரன்கள் சேர்த்து டிக்ளேர் செய்தது. பின்னர் 468 ரன்கள் என்ற இமாலய இலக்குடன் வெஸ்ட் இண்டீஸ் 2வது இன்னிங்சை தொடங்கியது. அசாத்திய பந்துவீச்சால் அந்த அணி 210 ரன்களுக்கு சுருண்டது.

இந்தியா முதலிடம்

இதன் மூலம் 257 ரன்கள் வித்தியாசத்தில் அபார வெற்றி பெற்று 2 போட்டிகள் கொண்ட டெஸ்ட் தொடரை 2க்கு 0 என்ற கணக்கில் இந்தியா கைப்பற்றியது. 2 போட்டிகளையும் கைப்பற்றியதால் இந்தியா 120 புள்ளிகள் பெற்று ஐசிசி டெஸ்ட் சாம்பியன்ஷிப் பட்டியலில் முதலிடத்தை பிடித்திருக்கிறது.

2வது, 3வது இடம்

இந்திய அணியை தொடர்ந்து நியூசிலாந்து, இலங்கை அணிகள் 60 புள்ளிகளை பெற்று 2வது மற்றும் 3வது இடத்தை பிடித்துள்ளது. ஆஸ்திரேலியா, இங்கிலாந்து அணிகள் 32 புள்ளிகளை பெற்று 4 மற்றும் 5வது இடத்தை பிடித்துள்ளது.

பைனல் போட்டி

இங்கிலாந்து, ஆஸ்திரேலிய அணிகளின் ஆஷஸ் தொடருடன் ஐசிசி உலக கோப்பை டெஸ்ட் சாம்பியன்ஷிப் தொடர் தொடங்கியது. ஐசிசி உலக கோப்பை டெஸ்ட் சாம்பியன்ஷிப் தொடரின் முதல் பதிப்பு 2021ம் ஆண்டு ஜூன் மாதம் வரை நடைபெறுகிறது. தொடரில் முதல் 2 இடங்களை பிடிக்கும் அணிகள் லண்டனில் உள்ள லார்ட்ஸ் மைதானத்தில் நடக்கும் பைனலில் மோதும்.