இலங்கை போய் ஆஸி. வந்தது, டும்டும்டும்.. ஆஸி. போய் நியூசி. வந்தது டும்டும்டும்!

நியூசிலாந்துக்கு எதிராக 50வது வெற்றி

நிலவேம்பு கஷாயம் நல்லதா கெட்டதா என்று ஆராய்ச்சிகள் நடப்பது போல், மிகப் பெரிய ஆராய்ச்சிகள் தேவையில்லாமல், நியூசிலாந்துக்கு எதிரான 50வது ஒருதினப் போட்டி வெற்றியைப் பெறுவதற்கு இந்தியா தயாராக உள்ளது. நியூசிலாந்து இதுவரை 43 போட்டிகளில் வென்றுள்ளது.

தொடரை இழந்ததில்லை

கேப்டன் விராட் கோஹ்லியின் 200வது ஒருதினப் போட்டியாகவும் இது அமைந்துள்ளது. இந்தியாவில் நடந்துள்ள இந்தியா- நியூசிலாந்து தொடர்களை இதுவரை இந்தியா இழந்ததில்லை. அந்த சாதனையை இந்தத் தொடரிலும் தொடர்வதற்கு பல இளம் வீரர்களை கொண்ட இந்திய அணி தயாராக உள்ளது.

ஐசிசி தரவரிசையில் மீண்டும் முதலிடம்

நாளை நடக்கும் போட்டியில் வெல்வதன் மூலம், ஐசிசி தரவரிசையில் மீண்டும் முதலிடத்தை இந்தியா பிடித்துவிடும். வரும் 25ல் புனே, 29ல் கான்பூரில் அடுத்த ஒருதினப் போட்டிகள் நடக்க உள்ளன.

திடீரென அசத்தக் கூடியது நியூசி

கிரேட் காளிக்கு பக்கத்தில் விராட் கோஹ்லி நின்றால் எப்படி இருக்குமோ அதுபோலதான், தற்போதுள்ள இந்திய அணிக்கு முன் நியூசிலாந்து அணியும் இருக்கும். அதே நேரத்தில், எப்போது எந்தப் பிரச்னையை உருவாக்குவார்கள் என்று பா.ஜ.,வை புரிந்துக் கொள்ள முடியாததைப் போல, திடீரென அசத்தக் கூடியது நியூசிலாந்து அணி.