சுப்மன் கில் கூட 2 இன்னிங்ஸ் ஆடவில்லை என்றால், அவர் இடமும் காலி.. முன்னாள் வீரர் கிண்டல்

மும்பை: இந்திய ஒருநாள் கிரிக்கெட் அணியின் கேப்டனாக நியமிக்கப்பட்டிருந்தாலும், அடுத்த இரண்டு தொடர்களில் சுப்மன் கில் ரன்குவிக்கத் தவறினால் அவரது இடம் குறித்தும் கேள்விகள் எழலாம் என்று முன்னாள் விக்கெட் கீப்பர் தீப் தாஸ்குப்தா எச்சரித்துள்ளார்.

மேலும், 2027 உலகக் கோப்பை தொடரை நோக்கி அணியைக் கட்டமைக்கும் வேளையில், விராட் கோலி மற்றும் ரோஹித் சர்மாவையும் மற்ற வீரர்களைப் போலவே ஒரே அளவுகோலுடன் மதிப்பிட வேண்டும் என்றும், அவர்களை மட்டும் தனியாகக் குறிவைத்து விமர்சிக்கக் கூடாது என்றும் அவர் வலியுறுத்தியுள்ளார்.

அடுத்த உலகக் கோப்பை தொடரின்போது ரோஹித்திற்கு 40 வயதும், கோலிக்கு கிட்டத்தட்ட 39 வயதும் ஆகியிருக்கும் என்பதால், கடந்த சில காலமாகவே அணியில் இவர்களது இடம் குறித்து விவாதங்கள் நடந்து வருகின்றன. இது தொடர்பாக பேசிய தாஸ்குப்தா, "அடுத்த உலகக் கோப்பைக்கு இன்னும் 14 மாதங்கள் மட்டுமே உள்ள நிலையில், அவர்கள் இருவர் மட்டுமல்லாமல் அனைவரும் சிறப்பாகச் செயல்பட வேண்டும்."

இது வெறும் ஆரம்பம் தான்.. வைபவ் சூர்யவன்ஷி பதிவு.. அனைத்து சாதனையையும் முறியடிப்பார்- லட்சுமண்

"ஒருவேளை அடுத்த இரண்டு தொடர்களில் சுப்மன் கில் ரன் குவிக்கத் தவறினால், அவர் கேப்டனாக இருந்தாலும் அவரது இடம் குறித்து கேள்விகள் கேட்கப்படும். எனவே, சிறப்பான ஆட்டத்தை வெளிப்படுத்துவது என்பது அனைவருக்கும் கட்டாயமான ஒன்றாகும்" என்று தெரிவித்துள்ளார்.

"ஆம், ரோஹித், விராட் மற்றும் கில் போன்ற வீரர்கள் நீண்ட காலமாகச் சிறப்பாக விளையாடி வருவதால், அவர்களுக்கு மற்றவர்களை விட கூடுதல் வாய்ப்புகள் வழங்கப்படலாம். ஆனால், அவர்கள் முழுமையாக விமர்சனத்திற்கு அப்பாற்பட்டவர்கள் என்று கூற முடியாது" என்று அவர் மேலும் கூறினார்.

இருப்பினும், கேப்டன் என்ற பொறுப்பு கில்லுக்கு கூடுதல் பாதுகாப்பைத் தரக்கூடும். மேலும், 2023 முதல் இந்தியாவின் தலைசிறந்த ஒருநாள் பேட்டராக கில் திகழ்ந்து வருகிறார். குறிப்பாக, 2026 ஆம் ஆண்டில் மட்டும் 8 இன்னிங்ஸ்களில் விளையாடி 93.50 சராசரி மற்றும் 110.65 ஸ்ட்ரைக் ரேட்டுடன், ஒரு சதம் மற்றும் ஐந்து அரைசதங்கள் உட்பட 561 ரன்களை அவர் குவித்துள்ளார்.

யஷஸ்வி ஜெய்ஸ்வால், ருதுராஜ் கெய்க்வாட் போன்ற சிறந்த ஃபார்மில் இருக்கும் இளம் வீரர்கள் வாய்ப்புகளுக்காகக் காத்திருக்கும் நிலையில், கோலி மற்றும் ரோஹித் சர்மாவை மட்டும் தனியாகப் பிரித்துப் பார்க்கக் கூடாது என்று தாஸ்குப்தா வலியுறுத்துகிறார்.

ஜிம்பாப்வே தொடரில் இந்திய அணி வென்றாலும், பெரிய குறை இருக்கிறது.. பெரிய அணிக்கு எதிராக தோல்வி தான்

"ரோஹித் மற்றும் விராட்டை எப்போதும் தனியாகப் பிரித்து விவாதிக்கத் தேவையில்லை. மற்ற அனைவரைப் போலவும் அவர்களும் தங்களது ஆட்டத்திறனை நிரூபிக்க வேண்டும். எனவே இது ரோஹித், விராட் பற்றிய தனிப்பட்ட விவாதம் அல்ல. உலகக் கோப்பைக்கு இன்னும் ஓராண்டிற்கும் குறைவான காலமே உள்ளதால், அணியில் உள்ள அனைத்து வீரர்களும் தங்களை நிரூபிக்க வேண்டிய கட்டாயத்தில் உள்ளனர். எனவே, அவர்கள் இருவரையும் தனியாக நோக்காமல், அனைவரையும் ஒரே மாதிரியாக அணுக வேண்டும்" என்று தாஸ்குப்தா கூறினார்.