ரஜினி போல் புலம்பும் ஆஸ்திரேலியா!

வயசானாலும்

2019 உலகக் கோப்பைக்கான அணியை தேர்வு செய்வதற்கான களமாக இந்தத் தொடர் அமைந்துள்ளது. வயசானாலும் உங்க ஸ்டைலும், திறமையும் குறையவேயில்லை என்று கேப்டன் கூல் டோணிக்கு பிசிசிஐ புகழாரம் சூட்டி வருகிறது.

புதிய கபில்தேவ்

புதிய கபில்தேவாக ஹார்திக் பாண்டயா உருவாகி வருகிறார். ஜஸ்பிரித் பூம்ரா, ஷேன் வார்னே பாராட்டியுள்ள குல்தீப் யாதவ், யுஸ்வேந்திர சாஹல் ஆகியோர் பந்துவீச்சில் கலக்கி வருகின்றனர்.

புதுசா கட்டிக்கிட்ட ஜோடி

புதுசா கட்டிக்கிட்ட ரோஹித் சர்மா, ரஹானே ஜோடி அபார தொடக்கத்தை கொடுத்து வருகின்றனர். கேப்டன் விராட் கோஹ்லிக்கு கை கொடுக்க மணீஷ் பாண்டே, கேதார் ஜாதவும் உள்ளனர்.

எல்லாமே இருக்கு

ஒரு வெற்றி அணிக்கான அனைத்து அம்சங்களும் இந்திய கிரிக்கெட் அணிக்கு தற்போது பொருந்தியுள்ளது. இலங்கை அணியை 5-0 என்ற வென்றது ஏதோ லக் அல்ல, எங்களுடைய திறமை என்பதை, ஆஸ்திரேலிய தொடரில், இந்திய அணி நிரூபித்துள்ளது.

வா டி 20 ஆடலாம்

வெற்றி பெறுவதற்கு என்ன வழி என்று கேட்டால், வா டி-20 விளையாடலாம் என்று கோஹ்லி அழைக்கிறார் என்று, ஆஸ்திரேலிய கேப்டன் ஸ்டீவ் ஸ்மித் புலம்பி வருகிறார்.

அடுத்த போட்டிகள்

அடுத்ததாக, டோணியின் சொந்த ஊரான ராஞ்சியில், வரும் 7ம் தேதி டி-20 போட்டித் தொடர் துவங்குகிறது. 10ம் தேதி குவஹாத்தியிலும், 13ல் ஐதராபாத்திலும் அடுத்த டி-20 போட்டிகள் நடக்கின்றன.