இலங்கை அணியை போல ஆஸி.யை டீல் செய்யும் இந்தியா.. ஒய்ட் வாஷ் கேரண்டி?

அனைத்து துறைகளும் டாப்

பேட்டிங், பவுலிங், பீல்டிங் என, அனைத்து துறையிலும் இந்திய வீரர்கள் சிறப்பாக செயல்பட்டு வருகின்றனர். அதே நேரத்தில், இந்தியாவுக்கு எதிராக இலங்கை செய்த தவறுகளையே, ஆஸ்திரேலியா அணியும் செய்து வருகிறது.

பேட்டிங் அபாரம்

ஒரு காலத்தில் சச்சின் டெண்டுல்கரை நம்பியே இந்திய அணி இருந்தது. ஆனால், தற்போதைய இந்திய அணியில் அனைத்து வீரர்களுமே சிறப்பாக விளையாடி வருகிறது. அனைத்து வீரர்களின் பேட்டிங் சராசரி, 40 சதவீதத்தையும் விட அதிகமாக உள்ளது.

புது வீரர்களுக்கு வாய்ப்பு

2019 உலகக் கோப்பை கிரிக்கெட் போட்டிக்கு தயாராகும் வகையில், இந்தத் தொடர்கள் அமைந்துள்ளது. ஏற்கனவே தொடரை வென்றுள்ளதால், இதுவரை விளையாடாத வீரர்களுக்கு கடைசி இரண்டு போட்டிகளில் விளையாட வாய்ப்பு அளிக்கப்படும் என, எதிர்பார்க்கலாம்.

கலக்கல்

2015ல் நடந்த உலகக் கோப்பை போட்டிக்கு பிறகு, இந்தியா இதுவரை, 45 ஒருதினப் போட்டிகளில் விளையாடியுள்ளது. அதில், 29ல் வெற்றி பெற்றுள்ளது. அந்த வெற்றிப் பயணம் பெங்களூருவிலும் தொடரும் என கண்டிப்பாக எதிர்பார்க்கலாம்.