இந்தியாவின் பேட்டிங் அபாரம், ஆனால் பவுலிங் கேவலம்.. பான்டிங்!

கிளாஸ் வீரர்கள்

இந்திய அணியில் பல தரமான கிளாஸான வீரர்கள் உள்ளனர். மிகவும் அபாயகரமான அணி இந்தியா.

ஒன்றிணைந்து விட்டால்

இந்திய வீரர்களின் திறமை அனைத்தும் ஒன்று சேர்ந்துவிட்டால் அவர்களை அடிக்க ஆளே கிடையாது. மிகவும் அபாயகரமான முறையில் ஆடக் கூடியவர்கள் இந்தியர்கள்.

இன்னும் சிறப்பாக ஆடுவார்கள்

இந்தியாவின் முதல் போட்டி மிகச் சிறப்பாக இருந்தது. பாகிஸ்தானை அவர்கள் வீழ்த்திய வீதம் மிகச் சிறப்பானது. இந்தியா இனும் சிறப்பாக ஆடும்.

சரிவுக்குப் பின் எழுச்சி

உலகக் கோப்பைப் போட்டித் தொடருக்கு முன் டெஸ்ட் தொடரிலும், முத்தரப்புத் தொடரிலும் இந்தியா மிகவும் சரிவான நிலையில் இருந்தது. ஆனால் பாகிஸ்தானுடன் நடந்த போட்டியைப் பார்த்தபோது இந்தியா முழு வீச்சில் சுதாரித்து விட்டதாகவே உணர்ந்தேன்.

பந்து வீச்சு சரியில்லை

ஆனால் இந்தியாவின் பந்து வீச்சு சரியில்லை. கவலைக்குரியதாகவே உள்ளது. எப்போதுமே இதே போலத்தான் இருக்கிறது இந்தியாவின் பந்து வீச்சு. ஆஸ்திரேலியா போன்ற நாடுகளில் ஆடும்போது இந்தியாவின் பந்து வீச்சு கவலைக்கிடமாகவே இருக்கும். பேட்டிங்குக்கு அப்படியே நேர் மாறாக இருக்கிறது இந்தியாவின் பந்து வீச்சு.

ஆஸ்திரேலியாவே வெல்லும்

இந்த உலகக் கோப்பையை வெல்லக் கூடிய வாய்ப்பு ஆஸ்திரேலியாவுக்கே அதிகம் உள்ளது. முடிந்தவரை சிறப்பாக ஆடினால் ஆஸ்திரேலியாவால் 4வது முறையாக கோப்பையை வெல்ல முடியும். அதேசமயம், நியூசிலாந்து, தென் ஆப்பிரிக்காவும் நல்ல அணிகள்தான்.