500 டெஸ்ட் போட்டியை விடுங்க பாஸ்.. முத்திரை பதித்த இந்த 3 மேட்டரைப் பார்க்கலாம் வாங்க! #India500

சச்சின் டெண்டுல்கர் 200

இந்திய வீரர்களிலேயே 200 டெஸ்ட் போட்டிகள் விளையாடிய ஒரே வீரர் சச்சின் டெண்டுல்கர்தான். இது ஒரு மிகப் பெரிய சாதனை. இந்தியா விளையாடியுள்ள மொத்த டெஸ்ட்டுகளில் கிட்டத்தட்ட பாதி அளவிலான டெஸ்ட் போட்டிகளில் சச்சின் இடம் பெற்றுள்ளார் என்பது வரலாறாகும்.

சச்சின் வசம் பல சாதனைகள்

200 டெஸ்ட் போட்டிகளில் ஆடிய ஒரே இந்திய வீரராக வலம் வந்த சச்சின் வசம்தான், இந்தியாவின் பல டெஸ்ட் சாதனைகளும் அடங்கிக் கிடக்கின்றன. அதிக டெஸ்ட் ரன்கள், அதிக டெஸ்ட் சதம் என பல சாதனைகளை சச்சின் படைத்துள்ளார். இவை உலக சாதனையும் கூட.

வீரேந்திர ஷேவாக் 300

இந்திய டெஸ்ட் வீரர்களில் டெஸ்ட் போட்டியில் முச்சதம் போட்ட ஒரே வீரர் வீரேந்திர ஷேவாக்தான். ஒரு முறை இல்லை, 2 முறை முச்சதம் போட்டு அசத்தியுள்ளார் ஷேவாக்.

2 முச்சதங்கள்

ஷேவாக் போட்ட முச்சதங்களை பாகிஸ்தான், தென் ஆப்பிரிக்கா ஆகிய அணிகளுக்கு எதிராக எடுத்துள்ளார். பாகிஸ்தான் அணிக்கு எதிராக 309 ரன்களையும், தென் ஆப்பிரிக்காவுக்கு எதிராக 319 ரன்களையும் ஷேவாக் குவித்துள்ளார்.

அனில் கும்ப்ளே 10

இந்திய டெஸ்ட் பவுலர்களிலேயே ஒரே இன்னிங்ஸில் அதிக விக்கெட் வீழ்த்திய சாதனை அனில் கும்ப்ளேவிடம் உள்ளது. அவர் ஒரு இன்னிங்ஸில் 10 விக்கெட்களைச் சாய்த்து உலக சாதனை படைத்துள்ளார்.

டெல்லி டெஸ்ட்

1999ம் ஆண்டு டெல்லியில் நடந்த பாகிஸ்தானுக்கு எதிரான 2வது டெஸ்ட் போட்டியின்போது அனில் கும்ப்ளே புயலாக மாறி பாகிஸ்தானை புரட்டி எடுத்தார். கும்ப்ளேவை சமாளிக்க முடியாமல் அத்தனை பேரும் அவரிடம் வீழ்ந்தனர். 139 ஆண்டு கால டெஸ்ட் வரலாற்றில் இது ஒரு சாதனையாகும்.