தோனியிடம் இனி கற்க ஒன்றுமே இல்லை.. ஹோட்டல் விட்டு ஹோட்டல் அலைகிறோம்.. ஹர்திக் பாண்டியா பேச்சு

நிறைய கற்றுகொண்டேன்

இதைப் போன்று ராஞ்சி வந்த உடனே ஹர்திக் பாண்டியா தோனியின் வீட்டிற்கு சென்று அவருடன் பழைய பைக்கில் உட்கார்ந்து போஸ் எடுத்து போட்டோ பதிவிட்டார். இது குறித்து செய்தியாளர்கள் ஹர்திக் பாண்டியாவிடம் தோனியிடம் டிப்ஸ் ஏதாவது கேட்க அவரை சந்தித்தீர்களா என்று கேள்வி கேட்டனர். இதற்கு பதிலளித்த ஹர்திக் பாண்டியா, இல்லை நான் தோனியிடம் விளையாடும்போது அவரிடம் கிரிக்கெட் தொடர்பாக நிறைய நுணுக்கங்களை கற்று இருக்கிறேன்.

இனி ஒன்றும் இல்லை

இப்போது எல்லாம் நான் தோனியை சந்திக்கும் போது வாழ்க்கை குறித்தும் வேறு சில விஷயங்கள் குறித்தும் தான் பேசுகிறேன். கிரிக்கெட் பற்றி நாங்கள் இப்போது பேசுவதே கிடையாது. கிரிக்கெட் தொடர்பாக ஒரு ஆண்டில் நான் என்னென்ன அவரிடம் கற்றுக் கொள்ள முடியுமோ அத்தனையும் கற்று விட்டேன். தற்போது அவரிடம் இருந்து கற்றுக் கொள்ள எதுவுமே எனக்கு இல்லை. நாங்கள் தற்போது பல்வேறு நகரங்களில் விளையாடிக் கொண்டிருக்கிறோம்.

வாய்ப்பு கிடைத்தது

இதுபோன்று எப்போதாவது தான் தோனி பாய் பார்க்கும் வாய்ப்பு எங்களுக்கு கிடைக்கும். தோனியின் வீடு இங்கு தான் இருப்பதால் ஹோட்டலை விட்டு வெளியேறி அவரை சந்திக்கும் வாய்ப்பு எனக்கு கிடைத்தது. இந்த ஒரு மாதத்தில் மட்டும் நாங்கள் ஹோட்டல் விட்டு ஹோட்டலாக அலைந்து கொண்டிருக்கிறோம் என்று ஹர்திக் பாண்டியா கூறியுள்ளார்.

மீண்டும் வாய்ப்பு

ஹர்திக் பாண்டியா தலைமையில் இந்திய அணி கடந்தமுறை டி20 போட்டியில் நியூசிலாந்து உடன் விளையாடிய போது ஒன்றுக்கு பூஜ்ஜியம் என்ற கணக்கில் வென்றது. இதைப் போன்று இலங்கைக்கு எதிராக இரண்டுக்கு ஒன்று என்ற கணக்கில் இந்திய அணி வென்றது. தற்போது மூன்று போட்டிகள் கொண்ட டி20 தொடரில் பலம் வாய்ந்த நியூசிலாந்தை எதிர்கொள்ளும் வாய்ப்பு மீண்டும் ஹர்திக்பாண்டியாவுக்கு கிடைத்துள்ளது.