ஒரே போட்டியில் வெளியே அனுப்பப்பட்ட இந்திய வீரர்.. வெஸ்ட் இண்டீஸ்க்கு திரும்பிய அதிரடி வீரர்

டாஸ்

கடைசியாக நடைபெற்ற 2 போட்டியிலும், பேட்டிங்கிற்கு சாதகமான சூழலே இருந்தது. இந்த நிலையில், நடப்பு தொடரில் முதல் முறையாக டாஸ் வென்ற தவான், மகிழ்ச்சியில் கைத் தட்டி பேட்டிங் செய்வதாக அறிவித்தார். ரன் குவிப்புக்கு சாதகமாக மைதானம் இருப்பதால், முதலில் பேட்டிங் செய்து, பெரிய இலக்கை நிர்ணயிக்க முயற்சி செய்வோம் என்று தெரிவித்தார்.

டிராவிட் அறிவுரை

சீனியர்கள் இல்லாத நிலையில், இளம் வீரர்கள் தங்களுக்கு கிடைத்த வாய்ப்பை சிறப்பாக பயன்படுத்தி கொண்டதாக தவான் பாராட்டினார். மேலும், ரன் குவிப்புக்கு சாதகமாக இருப்பதால், வெறுமனே அதிரடியாக ஆட கூடாது. அறிவை பயன்படுத்தி விளையாட வேண்டும் என்று டிராவிட் தங்களுக்கு அறிவுரை வழங்கி இருப்பதாக அவர் கூறினார்.

அதிரடி நீக்கம்

மேலும், இன்றைய ஆட்டத்தில் ஆவேஷ் கான் நீக்கப்பட்டு அவருக்கு பதிலாக பிரசித் கிருஷ்ணா கொண்டு வரப்பட்டுள்ளார். இதே போன்று ஜடேஜாவுக்கு இன்றைய ஆட்டத்திலும் ஓய்வு வழங்கப்பட்டுள்ளது. வெஸ்ட் இண்டீஸ் அணியை பொறுத்தவரை நட்சத்திர வீரர் ஜேசன் ஹோல்டர் அணிக்கு திரும்பியுள்ளார்.

பிளேயிங் லெவன்

1, ஷிகர் தவான், 2, சுப்மான் கில், 3, சூர்ய குமார் யாதவ், 4, ஸ்ரேயாஸ் ஐயர், 5, சஞ்சு சாம்சன், 6, தீபக் ஹூடா, 7, அக்சர் பட்டேல், 8, சர்துல் தாக்கூர் 9, முகமது சிராஜ், 10, பிரசித் கிருஷ்ணா, 11, சாஹல்