IND vs NZ: ஆரம்பமே நியூசிலாந்துக்கு தடுமாற்றம்.. தொடக்க வீரர்களை காலி செய்த இந்திய அணி

இந்தூர்: நியூசிலாந்து அணிக்கு எதிரான மூன்றாவது ஒருநாள் போட்டியில் இந்திய அணி ஆரம்பமே அதிர்ச்சி அளித்துள்ளது. . 3 போட்டிகள் கொண்ட தொடரில் இரு அணிகளும் தலா ஒரு வெற்றியை பெற்றுள்ள நிலையில், தொடரை தீர்மானிக்கும் கடைசி போட்டி இன்று இந்தூரில் நடைபெற்று வருகிறது. இதில், டாஸ் வென்ற இந்திய அணி முதலில் பந்துவீச்சை தேர்வு செய்தது.

இந்தப் போட்டியில் இந்திய அணி அபாரமாகப் பந்துவீசி, நியூசிலாந்து அணியை தொடக்கத்திலேயே திணறடித்தது. முதல் ஓவரிலேயே அர்ஷ்தீப் சிங் விக்கெட் வீழ்த்த, அதைத் தொடர்ந்து ஹர்ஷித் ராணாவும் தனது பங்களிப்பை அளித்து நியூசிலாந்துக்கு அதிர்ச்சியளித்தார்.

போட்டி தொடங்கிய முதல் ஓவரின் நான்காவது பந்திலேயே இந்தியாவிற்குத் திருப்புமுனை கிடைத்தது. டெவோன் கான்வே ஒரு பவுண்டரி அடித்த சிறிது நேரத்திலேயே, வேகப்பந்து வீச்சாளர் அர்ஷ்தீப் சிங், ஹென்றி நிக்கோல்ஸை அவுட் ஆக்கினார். பந்து பேட்டின் எட்ஜில் பட்டு ஸ்டம்புகளைச் சிதறடித்தது. இதன்மூலம், நியூசிலாந்து அணி 0.4 ஓவர்களில் 5 ரன்களுக்கு ஒரு விக்கெட்டை இழந்தது. இது அர்ஷ்தீப் சிங்கிற்கு ஒரு சிறந்த தொடக்கமாக அமைந்தது.

அடுத்துவந்த இரண்டாவது ஓவரின் முதல் பந்திலேயே ஹர்ஷித் ராணா அணிக்கு மேலும் ஒரு விக்கெட்டைப் பெற்றுத் தந்தார். டெவோன் கான்வே 5 ரன்கள் எடுத்திருந்த நிலையில், ராணா வீசிய ஷார்ட் பிட்ச் பந்தில் எட்ஜ் ஆகி, முதல் ஸ்லிப்பில் நின்றிருந்த ரோஹித் ஷர்மாவிடம் சிக்கியது. ரோஹித் ஷர்மா எந்தத் தவறும் செய்யாமல் கேட்சைப் பிடிக்க, நியூசிலாந்து அணி 1.1 ஓவர்களில் 5 ரன்களுக்கு 2 விக்கெட்டுகளை இழந்து ஆரம்பத்திலேயே தடுமாறியது.

நியூசிலாந்து அணிக்குப் பல காரணங்களால் இந்தத் தொடர் மிகவும் முக்கியத்துவம் வாய்ந்தது. 1989-ஆம் ஆண்டிலிருந்து இந்தியாவுக்கு இருதரப்பு ஒருநாள் தொடருக்காகச் சுற்றுப்பயணம் மேற்கொண்டுள்ள நியூசிலாந்து, இங்கு இதுவரை ஒரு தொடரையும் வென்றதில்லை. தங்களது நீண்ட கால தோல்வி பயணத்தை முடிவுக்கு கொண்டு வர இது சிறந்த வாய்ப்பாகக் கருதப்படுகிறது.

மறுபுறம், இந்தியா தனது சொந்த மண்ணில் 2019 மார்ச் மாதத்திற்குப் பிறகு எந்த இருதரப்பு ஒருநாள் தொடரையும் தோற்றதில்லை. அந்தக் காலகட்டத்தில் ஆஸ்திரேலியா 0-2 எனப் பின்தங்கியிருந்தும் 3-2 எனத் தொடரைக் கைப்பற்றியது. இப்போது தற்போது தொடர் 1-1 என்ற சமநிலையில் உள்ள நிலையில், இந்த இறுதிப் போட்டி இரு அணிகளுக்கும் கடுமையான சவாலாக இருக்கும்.

இந்தியா பிளேயிங் XI: ரோஹித் ஷர்மா, ஷுப்மன் கில் (கேப்டன்), விராட் கோலி, ஷ்ரேயாஸ் ஐயர், கே.எல். ராகுல் (விக்கெட் கீப்பர்), ரவீந்திர ஜடேஜா, நிதிஷ் குமார் ரெட்டி, ஹர்ஷித் ராணா, குல்தீப் யாதவ், அர்ஷ்தீப் சிங், முகமது சிராஜ்.

நியூசிலாந்து பிளேயிங் XI: டெவோன் கான்வே, ஹென்றி நிக்கோல்ஸ், வில் யங், டேரில் மிட்செல், க்ளென் பிலிப்ஸ், மிட்செல் ஹே (விக்கெட் கீப்பர்), மைக்கேல் பிரேஸ்வெல் (கேப்டன்), ஜாகரி ஃபால்க்ஸ், கைல் ஜேமிசன், கிறிஸ்டியன் கிளார்க், ஜெய்டன் லெனாக்ஸ்.