IND vs AFG: இந்திய அணியிலிருந்து 8 வீரர்கள் அதிரடி நீக்கம்.. பிசிசிஐ முடிவின் பின்னணி என்ன?

By Javid Ahamed

Published: Tuesday, September 1, 2026, 23:20 [IST]

மும்பை: ஆப்கானிஸ்தானுக்கு எதிரான மூன்று போட்டிகள் கொண்ட டி20 தொடருக்காக, இந்திய கிரிக்கெட் அணி தனது வழக்கமான வீரர்களை மீண்டும் களம் இறக்கியுள்ளது. இங்கிலாந்து மற்றும் அயர்லாந்து அணிகளுக்கு எதிரான தொடர் தோல்விகளைத் தொடர்ந்து, ஜிம்பாப்வே சுற்றுப்பயணத்திற்கு இளம்படை மற்றும் மாற்று வீரர்கள் அனுப்பப்பட்ட நிலையில், தற்போது முக்கிய வீரர்கள் மீண்டும் அணிக்கு திரும்பியுள்ளனர்.

இந்த பலம் வாய்ந்த இந்திய அணி, டெல்லியில் உள்ள அருண் ஜெட்லி மைதானத்திலும், அதன்பிறகு ஜப்பானில் நடைபெறவுள்ள ஆசிய விளையாட்டுப் போட்டிகளிலும் தங்களது திறமையை நிரூபிக்க வேண்டிய கட்டாயத்தில் உள்ளது.

இதில் மிகவும் குறிப்பிடத்தக்க மாற்றமாக சஞ்சு சாம்சன் மீண்டும் அணிக்கு திரும்பியுள்ளார். ஜிம்பாப்வே தொடரில் சாம்சனுக்கு பதிலாக வைபவ் சூர்யவன்ஷி மற்றும் பிரப்சிம்ரன் சிங் ஆகியோர் தேர்வு செய்யப்பட்ட போது, சாம்சனுக்கு ஓய்வு அளிக்கப்பட்டதாகத் தெரிவிக்கப்பட்டது. ஆனால், அவர் அணியில் இருந்து நீக்கப்பட்டதாகவே பலரும் கருதினர். தற்போது அவர் மீண்டும் இணைந்துள்ள நிலையில், இந்திய அணியின் தொடக்க ஆட்டக்காரர்களுக்கான தேர்வு மீண்டும் விவாதப் பொருளாகியுள்ளது.

மும்பை இந்தியன்ஸ் அணியில் ஹர்திக் எதிர்காலம் என்ன? அம்பானி குடும்பத்துடன் டீலிங்

பிசிசிஐ மருத்துவக் குழுவின் உடற்தகுதி அனுமதி கிடைக்கும் பட்சத்தில், முன்னணி வேகப்பந்து வீச்சாளர் ஜஸ்பிரித் பும்ராவும் கடந்த மார்ச் மாதத்திற்குப் பிறகு முதல்முறையாக டி20 போட்டிக்கு திரும்புகிறார். அதேபோல், ஜிம்பாப்வே தொடரில் சேர்க்கப்படாத ஆல்ரவுண்டர் அக்சர் படேல் மீண்டும் அணிக்கு திரும்பியுள்ளார். ராயல் சேலஞ்சர்ஸ் பெங்களூரு அணியின் குருணால் பாண்டியாவுக்காக இவர் புறக்கணிக்கப்படலாம் என்ற வதந்திகளுக்கு இதன் மூலம் முற்றுப்புள்ளி வைக்கப்பட்டுள்ளது.

சஞ்சு சாம்சன், நிதிஷ் குமார் ரெட்டி, அக்சர் படேல், வாஷிங்டன் சுந்தர், ரவி பிஷ்னோய், ஜஸ்பிரித் பும்ரா, அர்ஷ்தீப் சிங், ஹர்ஷித் ராணா ஆகிய வீரர்கள் இந்திய அணியில் சேர்க்கப்பட்டுள்ளனர். இந்த அணித் தேர்வில் சில முக்கிய வீரர்களின் நீக்கம் ரசிகர்களின் கவனத்தை பெற்றுள்ளது. 2024 டி20 உலகக் கோப்பையை வென்ற அணியில் இடம்பெற்றிருந்த ரிங்கு சிங், தற்போது முதன்மை அணியில் இடம் பெறாமல் நீக்கப்பட்டுள்ளது.

அதேபோல், ஐபிஎல் தொடரில் சிறப்பான ஆட்டத்தை வெளிப்படுத்திய மயங்க் யாதவ், அர்ஷ்தீப் சிங் மற்றும் ஹர்ஷித் ராணாவுக்கு சவால் அளிக்கும் வகையில் இன்னும் கூடுதல் திறமையை வெளிப்படுத்த வேண்டியுள்ளது.சூர்யான்ஷ் ஷெட்கே, ரிங்கு சிங், ஹர்ஷ் துபே, பிரின்ஸ் யாதவ், யாஷ் தாக்கூர், அசோக் சர்மா, மயங்க் யாதவ், பிரப்சிம்ரன் சிங் ஆகியோர் இந்திய டி20 அணியிலிருந்து நீக்கப்பட்டுள்ளனர்.