ஆஸி. முதல் ஒருநாள் போட்டியில் ஜடேஜா, விஜய் ஷங்கருக்கு வாய்ப்பு.. காரணம் இவர் தான்!

ஜடேஜா நிலை

ஜடேஜா ஆசிய கோப்பை, வெஸ்ட் இண்டீஸ் தொடர்களில் சிறப்பாக செயல்பட்டு இந்திய ஒருநாள் அணிக்கு திரும்பி விட்டார் என நினைத்த நிலையில், ஆஸ்திரேலிய ஒருநாள் தொடரில் பெரிய தாக்கத்தை ஏற்படுத்தவில்லை.

ஜடேஜாவுக்கு வாய்ப்பு

ஜடேஜா, நியூசிலாந்து தொடரில் வாய்ப்பு பெறவில்லை. மேலும், தற்போது நடைபெற்று வரும் ஆஸ்திரேலிய தொடருக்கு முதலில் தேர்வாகவில்லை. இந்த நிலையில், ஹர்திக் பண்டியா காயம் காரணமாக தொடரில் இருந்து விலகியதால், மாற்று வீரராக ஜடேஜா அணியில் இடம் பிடித்தார்.

களமிறங்கிய விஜய் ஷங்கர்

அதே போல, மித வேகப் பந்துவீச்சு ஆல்-ரவுண்டர் விஜய் ஷங்கர் ஆஸ்திரேலிய தொடரில் இடம் பெற்றாலும், அணியின் முன்னணி ஆல்-ரவுண்டர் ஹர்திக் பண்டியா இருப்பதால் களமிறங்கும் வாய்ப்பு கிடைக்குமா என்ற சந்தேகம் இருந்தது. ஆனால், பண்டியாவின் ஓய்வு காரணமாக முதல் போட்டியில் களமிறங்கினார்.

பண்டியாவால் வாய்ப்பு

உலகக்கோப்பை அணியில் வாய்ப்பு கிடைக்குமா என தெரியாத இரண்டு ஆல்-ரவுண்டர் வீரர்களுக்கு தங்களை நிரூபிக்க ஒரு வாய்ப்பை ஏற்படுத்திக் கொடுத்துள்ளார் ஹர்திக் பண்டியா. தற்போது காயத்தில் இருந்து மீண்டு வரும் அவர், ஆஸ்திரேலிய தொடர் முழுவதும் ஆடமாட்டார் என கூறப்பட்டு வருகிறது.

கடைசி வாய்ப்பு

இந்த வாய்ப்பை பயன்படுத்தி ஜடேஜா மற்றும் விஜய் தங்கள் திறமையை நிரூபித்து உலகக்கோப்பை அணியில் தங்கள் வாய்ப்பை பெற வேண்டும். ஐபிஎல் தொடரின் செயல்பாடுகள் உலகக்கோப்பை அணித் தேர்வில் எடுபடாது என கேப்டன் கோலி கூறி இருக்கும் நிலையில், ஆஸ்திரேலிய தொடர் தான் இவர்களுக்கு இருக்கும் கடைசி வாய்ப்பு.