செம ஓபனிங்.. சச்சின் - சேவாக் ரெக்கார்டை அடிச்சு தூக்கிய ரோஹித் சர்மா - தவான் கூட்டணி!

இரண்டாம் இடம்

இந்த போட்டியில் இருவரும் கூட்டணியாக 12 ரன்கள் அடித்த போது, சச்சின் டெண்டுல்கர் - வீரேந்தர் சேவாக் கூட்டணியை முந்தி இந்தியாவின் அதிக ரன்கள் குவித்த கூட்டணிகளில் இரண்டாம் இடம் பிடித்தனர்.

முதல் இடம் யாருக்கு?

இந்திய அளவில் சச்சின் டெண்டுல்கர் - சௌரவ் கங்குலி இணை 176 இன்னிங்க்ஸ்களில் 8227 ரன்கள் குவித்து இந்திய அளவில் கூட்டணியாக அதிக ரன்கள் சேர்த்தவர்களில் முதல் இடத்தில் உள்ளனர்.

ரோஹித் - தவான் ரன்கள்

தற்போது ரோஹித் - தவான் இணை 4500 ரன்களை கடந்து இவர்களுக்கு அடுத்த இடத்தில் உள்ளனர். இவர்கள் 102 இன்னிங்க்ஸில் இந்த ரன்களை எட்டியுள்ளனர். ரோஹித் - தவான் கூட்டணியால் 8000+ ரன்களை எட்ட முடியுமா என்பது கேள்விக் குறி தான்.

அடுத்த இடங்களில் யார்?

ரோஹித் - தவான் இணையால் பின் தள்ளப்பட்டு சச்சின் - சேவாக் இணை 114 இன்னிங்க்ஸில், 4387 ரன்கள் சேர்த்து மூன்றாம் இடத்தில் உள்ளனர். நான்காவது இடத்தில் ராகுல் டிராவிட் - கங்குலி இணை 87 இன்னிங்க்ஸில் 4332 ரன்கள் குவித்துள்ளனர்.

பின்னே வரும் ரோஹித் - கோலி

இதில் சுவராஸ்யமாக ஐந்தாவது இடத்தில் ரோஹித் சர்மா - விராட் கோலி இணை உள்ளது. இந்த இணை 72 இன்னிங்க்ஸ்களில் 4328 ரன்கள் குவித்துள்ளது. ரோஹித் சர்மா - தவான் இணைந்து எடுத்த ரன்களை, இந்த இணை முறியடிக்க அதிக வாய்ப்புள்ளது.

அடுத்த சாதனை

இந்த சாதனை ஒருபுறம் இருக்க, மற்றொரு சாதனைப் பட்டியலில் நான்காம் இடத்துக்கு முன்னேறி உள்ளது ரோஹித் சர்மா - தவான் இணை. அதிக 100+ கூட்டணி அமைத்தவர்கள் பட்டியலில் நான்காம் இடம் பிடித்துள்ளனர்.

அதிக 100+ பட்டியல்

இந்த பட்டியலிலும் சச்சின் டெண்டுல்கர் - சௌரவ் கங்குலி இணை முதல் இடத்தில் உள்ளது. இவர்கள் கூட்டணி 21 முறை 100+ ரன்களை கடந்துள்ளது. இரண்டாம் இடத்தில் கில்கிறிஸ்ட் - ஹெய்டன் இணை 16 முறை 100+ ரன்களை கடந்துள்ளது.

15 முறை 100+ ரன்கள்

மூன்றாம் இடத்தில் கிரீனிட்ஜ் - ஹெய்ன்ஸ் இணை 15 முறை, நான்காம் இடத்தில் ரோஹித் சர்மா - தவான் 15 முறை உள்ளனர். ஆஸ்திரேலிய அணிக்கு எதிரான முதல் மூன்று ஒருநாள் போட்டிகளில் சொதப்பிய ரோஹித் சர்மா - தவான் நான்காவது போட்டியில் சரிவில் இருந்து மீண்டு தங்கள் பேட்டிங் திறமையைக் காட்டினர்.