மூன்றாவது பந்திலேயே விக்கெட்
இந்தியா முதல் இன்னிங்க்ஸில் 250 ரன்கள் எடுக்க, அடுத்து ஆட வந்தது ஆஸ்திரேலியா. அந்த அணியின் முதல் விக்கெட்டாக ஆரோன் பின்சை மூன்றாவது பந்திலேயே அனுப்பி வைத்தார் இஷாந்த் சர்மா.
ஆஸி.வுக்கு எதிராக 50 விக்கெட்கள்
அடுத்து ஆஸ்திரேலிய டெஸ்ட் அணியின் கேப்டன் டிம் பெய்ன்-ஐ வீழ்த்திய போது, ஆஸ்திரேலிய அணிக்கு எதிராக டெஸ்ட் போட்டிகளில் 50 விக்கெட்கள் எடுத்து புதிய மைல்கல்லை எட்டினார். பேட்டிங்கில் அரைசதம் அடிக்காவிட்டாலும், விக்கெட்கள் எடுப்பதில் ஆஸ்திரேலிய அணிக்கு எதிராக அரைசதம் அடித்துள்ளார் இஷாந்த் சர்மா.
எத்தனை போட்டிகள்?
இந்த 50 விக்கெட்களை எடுக்க 23 டெஸ்ட் போட்டிகளை எடுத்துக் கொண்டுள்ளார் இஷாந்த் சர்மா. இது கொஞ்சம் அதிகம் தான். என்றாலும், முன்பு இருந்ததை விட இஷாந்த் தற்போது மெருகேறி உள்ளார். ஆஸ்திரேலியா தவிர்த்து இங்கிலாந்து அணிக்கு எதிராக 56 விக்கெட்கள் எடுத்துள்ளார் என்பதும் குறிப்பிடத்தக்கது.
3வது வேகப்பந்துவீச்சாளர்
ஆஸ்திரேலிய அணிக்கு எதிராக அதிக டெஸ்ட் விக்கெட்கள் வீழ்த்திய இந்திய வேகப் பந்துவீச்சாளர்களில் இஷாந்த்துக்கு முன் கபில் தேவ் (79 விக்கெட்கள்) மற்றும் ஜாகிர் கான் (61 விக்கெட்கள்) உள்ளனர்.