Click it and Unblock the Notifications
மோசமான பதிவு
ஐந்தாவது போட்டியில் இந்தியா தோல்வி அடைந்தால், தொடரை இழப்பதுடன் ஒருநாள் போட்டிகள் வரலாற்றில் இதுவரை செய்யாத ஒரு மோசமான பதிவையும் செய்யும். அதே போல, ஆஸ்திரேலிய அணி தான் இதுவரை செய்யாத சாதனை ஒன்றை செய்யும்.
தொடர் வெற்றி
இதுவரை இந்திய அணி 2-0 என ஐந்து போட்டிகள் கொண்ட ஒருநாள் தொடரில் முன்னிலை பெற்ற பின் தொடரை இழந்ததில்லை. அதே போல ஆஸ்திரேலிய அணியும் இதுவரை 0-2 என ஐந்து போட்டிகள் கொண்ட ஒருநாள் தொடரை இழந்த பின் அந்த தொடரை வென்றதில்லை.
இந்தியாவிற்கு சாதகம்
ஆனால், மற்றொரு விஷயம் இந்தியாவிற்கு சாதகமாக உள்ளது. கடந்த 2015 உலகக்கோப்பை தொடருக்கு பின் இந்தியா ஒருநாள் தொடர்களின் முடிவை நிர்ணயிக்கும் போட்டிகளில் எட்டில் ஆறு முறை வெற்றி பெற்றுள்ளது.
ராசியான மைதானம்
அதே போல, ஐந்தாவது போட்டி நடைபெற உள்ள பெரோஸ் ஷா கோட்லா மைதானத்தில் இந்தியா 19 போட்டிகளில் 12 வெற்றிகள் பெற்றுள்ளது. இதே மைதானத்தில் ஆஸ்திரேலிய அணிக்கு எதிராக நான்கு போட்டிகளில் மூன்றில் வெற்றி பெற்றுள்ளது.
10 ஆண்டுகளாக..
மறுபுறம், ஆஸ்திரேலிய அணி கடந்த பத்து ஆண்டுகளாக இந்திய மண்ணில் ஒருநாள் தொடரை வென்றதில்லை என்ற நிலை இருக்கிறது. அதை முறியடிக்க அந்த அணி முயலும். யாருக்கு வெற்றி கிடைக்கிறது என பார்க்கலாம்!
