Click it and Unblock the Notifications
விராட் கோலி ஃபார்ம்
இந்திய அணியை பொறுத்தவரையில் நம்பிக்கை நட்சத்திரமாக இருக்கக்கூடியவர் விராட் கோலி தான். ஏனென்றால் தற்போதைய அணியில் இங்கிலாந்துக்கு எதிராக அதிக ரன்களை அடித்தவர் அவர் தான். ஆனால் கடந்த 2 ஆண்டுகளாக ஃபார்ம் அவுட்டில் உள்ள கோலிக்கு இந்த டெஸ்ட் போட்டியில் பெரிய கண்டம் காத்துள்ளது.
விராட் கோலி vs ஆண்டர்சன்
இங்கிலாந்து அணி பவுலர் ஜேம்ஸ் ஆண்டர்சனுக்கும் விராட் கோலிக்கும் பெரிய யுத்தமே களத்தில் நடைபெறும். கடந்த 2014ம் ஆண்டு கோலி 10 இன்னிங்ஸில் 134 ரன்களை மட்டுமே அடித்தார். இந்த 5 போட்டிகளில் 4 முறை ஆண்டர்சன் பவுலிங்கில் விக்கெட் ஆனார். ஆனால் 2018ம் ஆண்டு கோலி அட்டகாச கம்பேக் தந்தார். 5 போட்டிகள் கொண்ட தொடரில் 593 ரன்களை விளாசினார். மேலும் ஆண்டர்சன் பவுலிங்கில் அவுட்டாகவே இல்லை.
மீண்டும் பரிதாபம்
இதன் பின்னர் தான் கோலியின் ஃபார்ம் அவுட் ஆரம்பமானது. கடந்தாண்டு நடைபெற்ற 4 போட்டிகளில் ஆண்டர்சன் வீசிய முதல் பந்திலேயே கோலி விக்கெட் ஆனார். 3வது டெஸ்டிலும் அவரிடம் விக்கெட்டை பறிகொடுத்திருந்ததால், கோலியின் பலவீனத்தை ஆண்டர்சன் நன்கு அறிந்துவைத்துள்ளார்.
சரியான போட்டி
40 வயதை நெருங்கிவிட்ட ஆண்டர்சன், தற்போதும் அட்டகாசமான ஃபார்மில் பந்துவீசி வருகிறார். மற்றொரு புறம் விராட் கோலி நல்ல ஓய்வுக்கு பிறகு மீண்டும் இந்திய டெஸ்ட் அணிக்குள் வந்துள்ளார். எனவே இவர்களின் சண்டை எப்படி இருக்க போகிறது என ரசிகர்கள் எதிர்பார்த்து காத்துள்ளனர்.
Continue with Google