இங்கிலாந்துக்கு எதிரான ஒருநாள் தொடர்.. விராட் கோலி கம்பேக்.. சதம் அடித்த ஜெய்ஸ்வால் நீக்கம்!

மும்பை: இங்கிலாந்து அணிக்கு எதிரான 3 போட்டிகள் கொண்ட ஒருநாள் தொடருக்கான இந்திய அணி அறிவிக்கப்பட்டுள்ளது. இந்த தொடரில் விராட் கோலி சேர்க்கப்பட்டுள்ள நிலையில், நேற்று ஆஃப்கான் அணிக்கு எதிராக சதம் விளாசிய ஜெய்ஸ்வால் பெயர் இடம்பெறவில்லை. இதனால் ரசிகர்களிடையே விவாதம் எழுந்துள்ளது.

இங்கிலாந்து அணிக்கு எதிராக விரைவில் தொடங்கவுள்ள வரலாற்றுச் சிறப்புமிக்க ஒருநாள் கிரிக்கெட் தொடருக்கான இந்திய கிரிக்கெட் அணி அதிகாரப்பூர்வமாக அறிவிக்கப்பட்டுள்ளது. இந்த அணித் தேர்வில் ஒட்டுமொத்த கிரிக்கெட் உலகையும் உற்றுநோக்க வைக்கும் வகையில் பல அதிரடி மாற்றங்களை இந்திய கிரிக்கெட் வாரியத்தின் தேர்வுத் குழு மேற்கொண்டுள்ளது.

இந்திய அணியின் நட்சத்திர பேட்ஸ்மேன் விராட் கோலி, கடந்த சில வாரங்களாகக் காயம் காரணமாகப் போட்டிகளில் விளையாடாமல் ஓய்வில் இருந்தார். அவர் இல்லாதது இந்திய அணியின் மிடில் ஆர்டரில் பெரும் பலவீனமாகப் பார்க்கப்பட்ட நிலையில், தற்போது அவர் முழு உடற்தகுதியை எட்டியுள்ளார். இங்கிலாந்துக்கு எதிரான ஒருநாள் தொடரில் அவர் மீண்டும் களம் இறங்குவது இந்திய அணியின் பலத்தை அதிகரித்துள்ளது.

இதனால் கோலியின் கம்பேக்கை பார்க்க ஒட்டுமொத்த ரசிகர்களும் ஆவலோடு காத்துள்ளனர். இந்த அணித் தேர்வில் ரசிகர்களுக்கும் கிரிக்கெட் விமர்சகர்களுக்கும் மிகப்பெரிய அதிர்ச்சியாக அமைந்தது இளம் தொடக்க வீரர் யஷஸ்வி ஜெய்ஸ்வாலின் நீக்கம் தான். சர்வதேச கிரிக்கெட்டில் சமீபகாலமாகத் தொடர்ந்து மிரட்டலான ஃபார்மில் இருந்து வரும் ஜெய்ஸ்வால், நேற்று கூட அசாத்திய சதம் அடித்து அசத்தியிருந்தார்.

இருப்பினும், இங்கிலாந்து தொடருக்கான சீனியர் வீரர்களின் வருகை மற்றும் அணியின் காம்பினேஷன் காரணமாக, சதம் அடித்தும் அவர் அணியிலிருந்து ஓரங்கட்டப்பட்டுள்ளார். தேர்வுத் குழுவின் இந்த அதிரடி முடிவு தற்போது சமூக வலைதளங்களில் பெரும் விவாதப் பொருளாக மாறியுள்ளது. அதேபோல் அக்சர் படேல் மற்றும் வாஷிங்டன் சுந்தர் இருப்பதால், மீண்டும் ஜடேஜா ஓரங்கட்டப்பட்டுள்ளார்.

மறுபக்கம் சிராஜ்க்கு ஓய்வு அளிக்கப்பட்டுள்ள சூழலில், ஹர்சித் ராணா, பிரசித் கிருஷ்ணா மற்றும் குர்னூர் ப்ரார் ஆகியோருக்கு வாய்ப்பு அளிக்கப்பட்டுள்ளது. அதேபோல் அபாரமான ஃபார்மில் இருந்து வரும் இஷான் கிஷனுக்கு மீண்டும் வாய்ப்பு அளிக்கப்பட்டுள்ளது. அவர் மாற்று தொடக்க வீரர், மாற்று விக்கெட் கீப்பர் மற்றும் மாற்று மிடில் ஆர்டர் பேட்ஸ்மேன் என்று ஆடுவதால், இந்திய அணிக்கு பலம் கொடுத்துள்ளது.

இந்திய அணி: சுப்மன் கில், ரோகித் சர்மா, விராட் கோலி, ஸ்ரேயாஸ் ஐயர், கேஎல் ராகுல், இஷான் கிஷன், வாஷிங்டன் சுந்தர், நிதிஷ் குமார் ரெட்டி, அக்சர் படேல், குல்தீப் யாதவ், பும்ரா, பிரசித் கிருஷ்ணா, ஹர்சித் ராணா, அர்ஷ்தீப் சிங், குர்னூர் ப்ரார்.