இங்கிலாந்து டி20தொடர்: பரிசுத்தொகை.. பல்வேறு சாதனைகள்..தெரிந்துக்கொள்ள வேண்டிய புள்ளிவிவரங்கள் இதோ!

பரிசுத்தொகை விவரம்

• 5வது டி20 போட்டியில் சிறப்பாக பந்துவீசிய புவனேஷ்வர் குமாருக்கு ஆட்ட நாயகன் விருதுடன் ரூ.1 லட்சம் வழங்கப்பட்டது.
• டேவிட் மாலன் - பட்லர் ஜோடிக்கு சிறந்த பார்ட்னர்ஷிப்பிற்கான விருதுடன் ரூ.1லட்சம் வழங்கப்பட்டது.
• கேம் சேஞ்சர் என்ற பிரிவில் ரோகித் சர்மாவுக்கு விருது வழங்கப்பட்டு ரூ. 1 லட்சம் வழங்கப்பட்டது.
• இந்த தொடரில் மிகவும் துடிப்புடன் செயல்பட்ட கோலிக்கு ஹுண்டாய் கார் பரிசாக வழங்கப்பட்டது.

# அதே போல விராட் கோலிக்கு தொடர் நாயகன் விருதும் வழங்கப்பட்டு ரூ. 2.5 லட்சம் கொடுக்கப்பட்டது.

இந்திய அணி சாதனை

• இங்கிலாந்துடனான டி20 தொடரை வென்றது இந்திய அணி தொடர்ச்சியாக பெறும் 6வது வெற்றியாகும். அதே போல் கடைசியாக ஆடிய 8 டி20 தொடரில் ஒன்றில் கூட தோல்வியடையவில்லை. ஒன்றில் தொடர் சமன் ஆனது.
• இந்திய அணி நேற்றைய போட்டியில் 224 ரன்களை எடுத்தது. இந்திய அணி டி20ல் 200 ரன்களுக்கு மேல் ரன் குவிப்பது இது 18வது முறையாகும்.
• இந்திய அணி 200 ரன்களுக்கு மேல் ரன்களை குவித்து அதனை வெற்றிகரமாக டிஃபெண்ட் செய்து வெற்றி பெறுவது இது 10வது முறையாகும்.
• கடந்த 2016ம் ஆண்டுக்கு பிறகு 2 போட்டிகளுக்கு மேல் உள்ள டி20 தொடரை இங்கிலாந்து இழப்பது இது 3வது முறையாகும். இந்த மூன்றிலுமே இந்திய அணியிடம் தான் தோல்வியடைந்துள்ளது.

2 -1 vs இந்தியா : 2017

2 -1 vs இந்தியா : 2018

3 -2 vs இந்தியா : 2021

விராட் கோலி சாதனை

• சர்வதேச டி20ல் விராட் கோலி 6வது முறையாக தொடர் நாயகன் விருதை பெற்றுள்ளார். உலகில் எந்த வீரரும் இதுவரை இதை செய்ததில்லை.
• கோலி சரவதேச டி20ல் இதுவரை 9731 ரன்களை எடுத்துள்ளார். இதன் மூலம் டி20ல் அதிக ஸ்கோர் அடித்த வீரர்கள் பட்டியலில் 6வது இடம் பிடித்துள்ளார்.
• இங்கிலாந்து தொடரில் கோலி 231 ரன்கள் அடித்துள்ளார். 2க்கும் மேற்பட்ட போட்டிகள் கொண்ட டி20 தொடரில் ஒரு வீரர் அடித்த அதிகபட்ச ரன் இதுவாகும். இதற்கு முன்னர் கே.எல்.ராகுல் நியூசிலாந்துக்கு எதிராக 224 ரன்கள் அடித்திருந்தார்.
• கோலி சர்வதேச டி20ல் இதுவரை 28 அரை சதங்கள் அடித்துள்ளார். இதன் மூலம் டி20ல் அதிக அரை சதம் அடித்த வீரர்கள் பட்டியிலில் முதல் இடம் பிடித்தார்.
• கேப்டனாக விராட் கோலி டி20ல் 1502 ரன்களை எடுத்துள்ளார். இதனால் டி20ல் கேப்டனாக அதிக ரன்களை அடித்தவர்கள் பட்டியலில் ஆரோன் ஃபின்ச்-ஐ முந்தி முதலிடம் பிடித்தார்.
• # விராட் கோலி சர்வதேச டி20ல் இதுவரை 3159 ரன்களை குவித்துள்ளார். இதுவரை எந்த வீரரும் இவ்வளவு ரன்களை அடிக்கவில்லை.

பிற சாதனைகள்

• இங்கிலாந்துக்கு எதிரான 5 போட்டிகளில் 8 விக்கெட்களை எடுத்து இந்த தொடரில் அதிக விக்கெட் எடுத்த வீரரானார் ஷர்துல் தாக்கூர்.
• இந்த தொடரில் இங்கிலாந்து பந்துவீச்சாளர் கிறிஸ் ஜோர்டன் 197 ரன்களை வாரி வழங்கியுள்ளார். சர்வதேச டி20 தொடரில் அதிக ரன்களை விட்டுக்கொடுத்த வீரரானார் இவர். இதற்கு முன்னர் நியூசிலாந்து பவுலர் சௌதி இந்தியாவுக்கு எதிராக 187 ரன்களை விட்டுக் கொடுத்திருந்தார்.
• ஜாஸ் பட்லர் அதிக சிக்ஸர் ( 10 ) அடித்த சர்வதேச தொடர் இதுவாகும்.
• கோலி அதிக பவுண்டரிகள் (20) அடித்த சர்வதேச தொடர் இதுவாகும்.
• சர்வதேச டி20ல் அதிவேகமாக 1000 ரன்களை கடந்த வீரரானார் இங்கிலாந்து பேட்ஸ்மேன் டேவிட் மாலன். இவர் 24 இன்னிங்ஸ்களில் இதனை செய்துள்ளார்.
• இந்த தொடரில் அதிகபட்சமாக டேவிட் மாலன் மற்றும் சூர்யகுமார் ஆகியோர் 5 கேட்ச்களை பிடித்துள்ளனர்.
• இந்த தொடரில் சிறந்த எகனாமிக்கல் பவுலர் புவனேஷ்வர்குமார் ஆவார். 5 போட்டிகளையும் சேர்த்து அவரின் சராசரி 6.39 ரன்களே ஆகும்.