U19 உலககோப்பை 2026: இந்தியா, பாகிஸ்தான் போட்டி மோதல்.. எந்த சேனல், நேரலை நேரம் விவரம்

ICC U19 உலகக் கோப்பை 2026 தொடரில், இந்திய U19 அணி தனது அடுத்த போட்டியில் பாகிஸ்தான் U19 அணியை எதிர்கொள்கிறது. ஜிம்பாப்வேயின் புலவாயோவில் உள்ள குயின்ஸ் ஸ்போர்ட்ஸ் கிளப்பில் பிப்ரவரி 1 ஆம் தேதி ஞாயிற்றுக்கிழமை இந்த முக்கிய ஆட்டம் நடைபெறுகிறது. சென்னை சூப்பர் கிங்ஸ் அணியின் நட்சத்திர வீரர் ஆயுஷ் மகாத்ரே தலைமையிலான இந்திய அணி, சூப்பர் சிக்ஸ் சுற்றில் தங்களது இரண்டாவது தொடர் வெற்றியைப் பதிவு செய்ய முனைப்புடன் களமிறங்குகிறது.

கடந்த ஆட்டத்தில் ஜிம்பாப்வே அணியை வீழ்த்திய இந்திய அணி, தற்போது பாகிஸ்தானுக்கு எதிராக ஒரு வலுவான ஆட்டத்தை வெளிப்படுத்த தயாராக உள்ளது. இந்த போட்டியில் மகாத்ரே மற்றும் அவரது அணியினர் வெற்றி பெற்றால், அவர்கள் உலகக் கோப்பை அரையிறுதி சுற்றுக்கு தகுதி பெறுவார்கள்.

மேலும், வங்கதேசம் மற்றும் நியூசிலாந்து அணிகளுக்கு எதிரான வெற்றிகளுடன், இந்தியா 6 புள்ளிகள் மற்றும் +3.337 என்ற நேர்மறையான நெட் ரன் ரேட்டுடன் சூப்பர் சிக்ஸ் குரூப் 2ல் முதல் இடத்தில் உள்ளது. இந்த வெற்றி இந்தியாவின் இடத்தை கடைசி நான்கு இடத்தை உறுதி செய்து, பாகிஸ்தானை போட்டியில் இருந்து வெளியேற்றும்.

பாகிஸ்தான் அணியைப் பொறுத்தவரை, கடந்த ஆட்டத்தில் நியூசிலாந்துக்கு எதிரான வெற்றி அவர்களின் அரையிறுதி கனவுகளை உயிர்ப்புடன் வைத்திருக்கிறது. முன்னதாக, அவர்கள் இங்கிலாந்துக்கு எதிரான போட்டியில் தோல்வி அடைந்தனர். தற்போது புள்ளிப் பட்டியலில் இங்கிலாந்து U19 அணிக்கு அடுத்தபடியாக மூன்றாவது இடத்தில் உள்ளனர். பாகிஸ்தான் இப்போட்டியில் தோல்வியுற்றால், இந்தியா மற்றும் இங்கிலாந்து அணிகள் அரையிறுதிக்கு முன்னேறும்.

இந்தியா மற்றும் பாகிஸ்தான் அணிகளுக்கு இடையிலான ICC U19 உலகக் கோப்பை 2026 போட்டி பிப்ரவரி 1 ஆம் தேதி ஞாயிற்றுக்கிழமை, புலவாயோவில் உள்ள குயின்ஸ் ஸ்போர்ட்ஸ் கிளப்பில் நடைபெறும். இந்திய நேரப்படி மதியம் 1:00 மணிக்கு ஆட்டம் தொடங்கும். டாஸ் இந்திய நேரப்படி மதியம் 12:30 மணிக்கு நடைபெறும்.

இந்தியாவில் இப்போட்டியின் நேரலை ஒளிபரப்பு ஸ்டார் ஸ்போர்ட்ஸ் நெட்வொர்க் சேனல்களில் கிடைக்கும். மேலும், இந்தியா-பாகிஸ்தான் போட்டியின் நேரடி ஒளிபரப்பு ஜியோ ஹாட் ஸ்டார் செயலி மற்றும் இணையதளத்தில் ஆன்லைனில் பார்க்கலாம்.

இந்திய U19 அணி: ஆயுஷ் மகாத்ரே (கேப்டன்), ஆரோன் ஜார்ஜ், வைபவ் சூர்யவன்ஷி, விஹான் மல்ஹோத்ரா, அபிக்யான் குண்டு (விக்கெட் கீப்பர்), வேதாந்த் திரிவேதி, கனிஷ்க் சவுகான், ஆர்.எஸ்.அம்ப்ரீஷ், கிலன் பட்டேல், ஹெனில் பட்டேல், உதவ் மோகன், முகமது எனான், தீபேஷ் தேவேந்திரன், ஹர்வன்ஷ் பாங்காலியா, கிஷன் குமார் சிங்.

பாகிஸ்தான் U19 அணி: ஃபர்ஹான் யூசுப் (கேப்டன்), சமீர் மின்ஹாஸ், ஹம்சா ஜஹூர் (விக்கெட் கீப்பர்), உஸ்மான் கான், அஹமத் ஹுசைன், ஹுசைஃபா அஹ்சன், முகமது ஷாயான், அப்துல் சுப்ஹான், மோமின் குமார், முகமது சயாம், அலி ரஸா, அலி ஹசன் பலோச், டானியல் அலி கான், உமர் ஜைப், நிகாப் ஷஃபிக்.