“எதிர்பார்ப்புகள் வீண்”.. இந்தியா - தென்னாப்பிரிக்கா 2வது டெஸ்ட் பிட்ச் ரிப்போர்ட்.. வானிலை நிலவரம்!

வெதர் ரிப்போர்ட்

ஆட்டத்தின் 5 நாட்களிலுமே வானிலை எதிரியாக வந்து நின்றுள்ளது. முதல் நாளில் 50 % அளவிற்கு மழைக்கான வாய்ப்புகள் உள்ளது. டாஸின் போது எந்தவொரு இடையூறும் ஏற்படாது என்றும் மதியத்திற்கு மேல் ஒட்டுமொத்த ஆட்டமும் ரத்து செய்யப்படும் எனக்கூறப்பட்டுள்ளது. இதன் பின்னர் 2 மற்றும் 4ம் நாட்களின் போது வானிலை மிக மோசமாக உள்ளது. மழைப்பொழிவு இருக்க அதிக வாய்ப்புகள் இருப்பதால் 2 நாள் ஆட்டங்கள் முழுவதுமாக ரத்தாகலாம்.

நம்பிக்கை தரும் நாட்கள்

3வது மற்றும் கடைசி நாள் ஆட்டங்களின் போது ஓரளவிற்கு சூரியன் வெளியே வரும் என்பதால் குறிப்பிட்ட அளவிலான ஓவர்களை பார்க்கலாம். எனினும் வெறும் 3 நாட்கள் ஆட்டத்தை வைத்து ஒரு அணி வெற்றி பெறுவது மிகவும் கடினமான ஒன்றாகும். எனவே இப்போட்டி எவ்வளவு விறுவிறுப்பாக சென்றாலும் சமனில் முடிவடைய தான் அதிக வாய்ப்புள்ளது.

பிட்ச் அறிக்கை

வாண்டரர்ஸ் பிட்ச்-ஐ பொறுத்தவரையில் வேகப்பந்துவீச்சாளர்களின் கோட்டையாக பார்க்கப்படுகிறது. இங்கு புற்கள் அதிகம் காணப்படுவதால் இந்த முறையும் இந்திய அணி 4 வேகப்பந்துவீச்சாளர்கள் மற்றும் ஒரு ஸ்பின்னருடன் களமிறங்கும் என எதிர்பார்க்கப்படுகிறது. மழை பொழிவு வேறு இருப்பதால் பந்தில் நல்ல ஸ்விங்க் இருக்கலாம்.

Recommended Video

Ashes Sydney Test: Broad, Khawaja Returns! | ENG vs AUS | OneIndia Tamil

பேட்ஸ்மேன்களின் டிப்ஸ்

இதனால் பேட்ஸ்மேன்கள் முதல் 8 முதல் 10 ஓவர்கள் வரை நிதானமாக நின்று பிட்ச்-ன் தன்மையை உணரவேண்டிய அவசியம் உள்ளது. அதன் பின்னர் பொறுமையாக விளையாடினால் மட்டுமே பெரிய ஸ்கோரை எட்ட முடியும். இதே போன்ற களம் தான் செஞ்சூரியன் டெஸ்டிலும் இருந்ததால் இந்திய அணி நம்பிக்கையுடன் களமிறங்கும் என எதிர்பார்க்கப்படுகிறது.