இலங்கைக்கு எதிரான முதல் டி20 போட்டி.. இந்திய அணியின் பிளேயிங் லெவன் இதோ.. யாருக்கு வாய்ப்பு

தொடக்க ஜோடி

டி20 உலககோப்பையில் இந்திய அணி தோல்வியை தழுவியதற்கு முக்கிய காரணமாக கருதப்படுவது தொடக்க ஜோடி தான். இதனால், இந்திய அணி, இந்த தொடரில் புதிய ஜோடியை களமிறக்குகிறது. இஷான் கிஷன், சுப்மான் கில் ஆகியோர் விளையாட வாய்ப்பு உள்ளது. கூடுதல் தொடக்க வீரராக ருத்துராஜ் கெய்க்வாட் இடம்பெற்றுள்ளார்.

நடுவரிசை

இதே போன்று நடுவரிசையிலும் முற்றிலும் இளம் வீரர்களுக்கு தான் வாய்ப்பு வழங்கப்பட்டுள்ளது. துணை கேப்டன் சூர்யகுமார் யாதவ் நம்பர் 3வது வீரராக களமிறங்குகிறார். இதே போன்று நட்சத்திர வீரர் சஞ்சு சாம்சன் இந்திய அணிக்கு திரும்பியுள்ளார். ஆல் ரவுண்டர் தீபக் ஹுடா 5வது இடத்திலும், கேப்டன் ஹர்திக் பாண்டியா 6வது இடத்திலும் விளையாடுவார்கள்.

பந்துவீச்சாளர்கள்

ஜடேஜா இடத்தில் அக்சர் பட்டேல் விளையாடுவார். 8வது இடத்தில் வாசிங்டன் சுந்தர் விளையாட உள்ளார். இதே போன்று 3 வேகப்பந்துவீச்சாளருக்கான இடத்தில் உம்ரான் மாலிக், ஆர்ஸ்தீப் சிங் மற்றும் ஹர்சல் பட்டேல் ஆகியோர் பிளேயிங் லெவனில் இடம்பெறுவார்கள் என எதிர்பார்க்கப்படுகிறது. இதே போன்று சிவம் மவி, முகேஷ் குமார் ஆகியோரும் அணியில் உள்ளனர்.

பிளேயிங் லெவன்

1, சுப்மான் கில், 2, இஷான் கிஷன், 3, சூர்யகுமார் யாதவ், 4, சஞ்சு சாம்சன், 5, தீபக் ஹூடா, 6, ஹர்திக் பாண்டியா, 7, வாசிங்டன் சுந்தர், 8, அக்சர் பட்டேல், 9, ஹர்சல் பட்டேல், 10, ஆர்ஸ்தீப் சிங், 11, உம்ரான் மாலிக்