IND vs SL: இந்திய அணி பிளேயிங் லெவன்.. ஒரு இடத்திற்கு 2 பேர் போட்டி.. முன்னாள் சிஎஸ்கே வீரர் கணிப்பு

கொழும்பு: இலங்கைக்கு எதிராக இரண்டு போட்டிகள் கொண்ட டெஸ்ட் தொடரின் முதல் போட்டிக்கான தனது விருப்பமான இந்திய அணியின் பிளேயிங் லெவனை முன்னாள் சிஎஸ்கே வீரர் அபினவ் முகுந்த் தனது இன்ஸ்டாகிராம் பக்கத்தில் பகிர்ந்துள்ளார். தொடக்க வீரர்களாக யஷஸ்வி ஜெய்ஸ்வால் மற்றும் கே எல் ராகுல் ஆகியோரை தேர்வு செய்துள்ள முகுந்த், கேப்டன் சுப்மன் கில்லை 4-வது வரிசையில் களமிறக்கியுள்ளார்.

3-வது வரிசைக்கு சாய் சுதர்சன் மற்றும் தேவ்தத் படிக்கல் ஆகியோருக்கு இடையே போட்டி நிலவிய நிலையில், இந்தியா ஏ மற்றும் இலங்கை அணிகளுக்கு இடையிலான சிவப்புப் பந்து தொடரில் சிறப்பாக செயல்பட்டதால் சாய் சுதர்சனை அவர் தேர்வு செய்துள்ளார்.

நடுவரிசையில், அனுபவம் வாய்ந்த விக்கெட் கீப்பர் ரிஷப் பந்த் மற்றும் ஆல்-ரவுண்டர் ரவீந்திர ஜடேஜா ஆகியோரை முறையே 5 மற்றும் 6-வது இடங்களுக்கு முகுந்த் தேர்வு செய்துள்ளார். இவர்களுடன் கூடுதல் விக்கெட் கீப்பராக துருவ் ஜூரெலையும் அவர் தனது அணியில் சேர்த்துள்ளார். ஆப்கானிஸ்தானுக்கு எதிரான ஒரே ஒரு டெஸ்ட் போட்டியில் அறிமுகமாகி சிறப்பாக விளையாடிய மானவ் சுதர் 8-வது வீரராகவும், மூன்றாவது சுழற்பந்து வீச்சாளராக குல்தீப் யாதவ் 9-வது வீரராகவும் இடம் பெற்றுள்ளனர்.

ஆட்டிடியூட் காரணமாக அணியிலிருந்து நீக்கப்பட்டேன்.. ஆனால் அது பற்றி எனக்கு தெரியாது- ஹர்திக்

வேகப்பந்து வீச்சு கூட்டணியாக ஜஸ்பிரித் பும்ரா மற்றும் முகமது சிராஜ் ஆகியோர் 10 மற்றும் 11-வது இடங்களுக்கு தேர்வு செய்யப்பட்டுள்ளனர். படிக்கல், சாரன்ஷ் ஜெயின் மற்றும் வேகப்பந்து வீச்சாளர்கள் குர்னூர் பிரார், பிரசித் கிருஷ்ணா ஆகியோர் முகுந்தின் இந்த விளையாடும் லெவனில் இடம் பெறவில்லை.அபினவ் முகுந்தின் இந்திய பிளேயிங் லெவன்: யஷஸ்வி ஜெய்ஸ்வால், கே எல் ராகுல், சாய் சுதர்சன், சுப்மன் கில் (கேப்டன்), ரிஷப் பந்த், ரவீந்திர ஜடேஜா, துருவ் ஜூரெல், மானவ் சுதர், குல்தீப் யாதவ், ஜஸ்பிரித் பும்ரா, முகமது சிராஜ்.

IND vs SL: முதல் டெஸ்ட் இந்திய அணியின் பிளேயிங் லெவன் என்ன? அஸ்வின் கணிப்பு

நடப்பு 2025-27 உலக டெஸ்ட் சாம்பியன்ஷிப்பில் இந்திய அணி இதுவரை கலவையான முடிவுகளையே பெற்றுள்ளது. இங்கிலாந்தில் நடைபெற்ற தொடரை 2-2 என டிராவில் முடித்த இந்திய அணி, அதைத் தொடர்ந்து மேற்கிந்திய தீவுகளுக்கு எதிரான உள்நாட்டு தொடரை 2-0 என்ற கணக்கில் கைப்பற்றி அசத்தியது. எனினும், அதன் பின்னர் தென் ஆப்பிரிக்காவுக்கு எதிராக நடைபெற்ற உள்நாட்டு டெஸ்ட் தொடரை எதிர்பாராத விதமாக 0-2 என்ற கணக்கில் இழந்தது. இதனால், தற்போதைய WTC புள்ளிப்பட்டியலில் இந்திய அணி 5-வது இடத்திற்கு தள்ளப்பட்டுள்ளது.