IND vs SL டெஸ்ட் தொடர்.. பயிற்சி ஆட்டம் நடத்தப்படும் என அறிவிப்பு.. எப்போது? எங்கு?

கொழும்பு: இலங்கைக்கு எதிராக நடைபெறவுள்ள இரண்டு போட்டிகள் கொண்ட டெஸ்ட் தொடருக்கு ஒரு பகுதியாக, இந்திய அணி ஆகஸ்ட் 7 முதல் 9 வரை கொழும்பில் உள்ளூர் இலங்கை லெவன் அணிக்கு எதிராக பயிற்சி போட்டியில் விளையாடவுள்ளது.

இந்திய ஆண்கள் கிரிக்கெட் அணி, இரண்டு போட்டிகள் கொண்ட டெஸ்ட் தொடரில் பங்கேற்பதற்காக அடுத்த வாரம் இலங்கை செல்ல தயாராகி வருகிறது. இந்தத் தொடரின் முதல் டெஸ்ட் போட்டி ஆகஸ்ட் 15 அன்று காலே சர்வதேச கிரிக்கெட் மைதானத்தில் தொடங்குகிறது. இந்த நிலையில், டெஸ்ட் தொடருக்கு முன்னதாக இந்திய அணி தனது தயாரிப்புகளை பலப்படுத்தும் வகையில் இந்த பயிற்சி போட்டியில் விளையாட திட்டமிடப்பட்டுள்ளது.

இந்தத் தொடருக்கான இந்திய அணியை பிசிசிஐ அறிவித்தபோது, கொழும்பில் நான்கு நாட்கள் கொண்ட பயிற்சி போட்டியில் இந்திய அணி விளையாடும் என்று தெரிவிக்கப்பட்டிருந்தது. ஆனால், தற்போது அந்த பயிற்சி போட்டி மூன்று நாட்கள் கொண்ட விளையாட்டாக மாற்றப்பட்டுள்ளதாக தகவல்கள் வெளியாகியுள்ளன.

WTC Final குறித்து இந்திய டெஸ்ட் அணி மறந்து விட வேண்டும்.. முன்னாள் வீரர் பரபர கருத்து

அதன்படி, இந்தியாவிற்கும் உள்ளூர் இலங்கை லெவன் அணிக்கும் இடையிலான பயிற்சி போட்டி ஒரு நாள் குறைக்கப்பட்டு, ஆகஸ்ட் 7 முதல் 9 வரை மூன்று நாட்களுக்கு நடைபெறும் என்று தெரிவிக்கப்பட்டுள்ளது.இது தொடர்பாக இந்திய அணி நிர்வாகத்திடம் முறையாக தகவல் அளிக்கப்பட்டுள்ளது.

போட்டி நாட்களை குறைத்ததற்கான காரணம் தெரியவில்லை என்றாலும், பிசிசிஐ மற்றும் இந்திய அணி நிர்வாகத்தின் பல தரப்பினர் இந்த மாற்றத்தை உறுதி செய்துள்ளனர். இப்போட்டி நேரலையில் ஒளிபரப்பப்படும் என்றும் தெரிய வந்துள்ளது.இந்தியா தனது கடைசி டெஸ்ட் போட்டியை கடந்த ஜூன் 2026-ல் முல்லன்பூரில் ஆப்கானிஸ்தானுக்கு எதிராக விளையாடி, ஒரு இன்னிங்ஸ் மற்றும் 300 ரன்கள் வித்தியாசத்தில் வெற்றி பெற்றது.

ஐசிசி உலக டெஸ்ட் சாம்பியன்ஷிப் தரவரிசையில் முதல் இரண்டு இடங்களைப் பிடித்து, ஜூன் 2027-ல் தி ஓவல் மைதானத்தில் நடைபெறவுள்ள இறுதிப் போட்டிக்கு தகுதி பெற வேண்டுமானால், இலங்கைக்கு எதிரான இந்த இரண்டு போட்டிகள் கொண்ட தொடரில் இந்தியா வெற்றி பெறுவது அவசியமாகும்.

IND vs SL: இந்திய அணி பிளேயிங் லெவன்.. ஒரு இடத்திற்கு 2 பேர் போட்டி.. முன்னாள் சிஎஸ்கே வீரர் கணிப்பு

தமிழகத்தைச் சேர்ந்த இடதுகை பேட்ஸ்மேனான பி. சாய் சுதர்சன், இலங்கைக்கு எதிரான டெஸ்ட் தொடரிற்கான இந்திய அணியில் சேர்க்கப்பட்டுள்ளார். எனினும், அவரது பங்கேற்பு உடற்தகுதியைப் பொறுத்தே அமையும். தற்போது அவர் காயத்தில் இருந்து வேகமாக மீண்டு வருவதாக கூறப்படுகிறது.அவர் மீண்டும் பேட்டிங் பயிற்சியைத் தொடங்கியுள்ளதாகவும், இந்திய அணி இலங்கைக்கு புறப்படுவதற்குள் அவர் முழு உடற்தகுதியை அடைந்துவிடுவார் என்ற நம்பிக்கை உள்ளதாகவும் தகவல்கள் தெரிவிக்கின்றன.