ஆஸ்திரேலியாவுக்கு எதிரான ஒருநாள், டி20 தொடர்.. இந்திய மகளிர் அணி அறிவிப்பு..தமிழக வீராங்கனைக்கு இடம்

மும்பை: ஹர்மன்பிரீத் கவுர் தலைமையில் இந்தியா மகளிர் அணி ஆஸ்திரேலியாவில் பிப்ரவரி 15 முதல் மார்ச் 9 வரை 3 ஒருநாள், 3 டி20, ஒரு டெஸ்ட் தொடரில் மோதுகிறது. , இதற்காக அறிவிக்கப்பட்டுள்ள அணியில், இலங்கை டி20 தொடரில் அறிமுகமான தமிழகத்தை சேர்ந்த 17 வயது விக்கெட் கீப்பர் கமலினி, சுழற்பந்து வீச்சாளர் வைஷ்ணவி ஷர்மா முதல் முறையாக ஒருநாள் அணிக்கு அழைக்கப்பட்டுள்ளனர்.

காஷ்வி கௌதம் ஒருநாள் அணிக்கு திரும்பி உள்ளார். டி20 தொடருக்கு பாரதி ஃபுல்மாலி (2019 பிறகு), ஸ்ரேயங்கா பாட்டீல் ஆகியோர் சேர்க்கப்பட்டுள்ளனர். ஐசிசி உலகக் கோப்பை 2025 காயத்தால் பிரத்திகா ராவல் தேர்வாகவில்லை. விக்கெட் கீப்பர் உமா செத்ரி, ஒருநாள் அணியில் இருந்து அருந்ததி ரெட்டி, ராதா யாதவ் நீக்கப்பட்டுள்ளனர்.

கேப்டனாக ஹர்மன்பிரீத் கவுர், துணை கேப்டனாக ஸ்மிருதி மந்தனா இரு தொடர்களுக்கும் செயல்படுகின்றனர். ஹர்மன்பிரீத், ஸ்மிருதி, கமலினி, வைஷ்ணவி, ஷஃபாலி, ரேணுகா, ஸ்ரீ சரணி, க்ராந்தி, சினே ராணா, தீப்தி, ரிச்சா, அமன்ஜோத், ஜெமிமா உள்ளிட்டோர் இரு அணிகளிலும் உள்ளனர்.போட்டி அட்டவணைப்படி, மூன்று டி20 போட்டிகள் சிட்னி (பிப். 15, பிற்பகல் 1:30), கான்பெர்ரா (பிப். 19, பிற்பகல் 1:30), அடிலெய்டு (பிப். 21, பிற்பகல் 2:00) ஆகிய நகரங்களில் இந்திய நேரப்படி நடைபெறும்.

முதல் ஒருநாள் போட்டி பிப். 24 அன்று பிரிஸ்பேன் ஆலன் பார்டர் மைதானத்தில் காலை 9:00 மணிக்கு தொடங்கும். அடுத்து, இரு ஒருநாள் போட்டிகள் ஹோபார்ட் பெல்லரைவ் ஓவலில் பிப். 27 மற்றும் மார்ச் 1 ஆகிய தேதிகளில் அதே நேரத்தில் திட்டமிடப்பட்டுள்ளது.

இந்திய டி20 அணி: ஹர்மன்பிரீத் கவுர் (கே), ஸ்மிருதி மந்தனா (து.கே), ஷஃபாலி வர்மா, ரேணுகா தாக்கூர், ஸ்ரீ சரணி, வைஷ்ணவி ஷர்மா, க்ராந்தி கௌட், சினே ராணா, தீப்தி ஷர்மா, ரிச்சா கோஷ் (வி.கீ), ஜி.கமலினி (வி.கீ), அருந்ததி ரெட்டி, அமன்ஜோத் கவுர், ஜெமிமா ரோட்ரிகஸ், பாரதி ஃபுல்மாலி, ஸ்ரேயங்கா பாட்டீல்.

ஒருநாள் அணி: ஹர்மன்பிரீத் கவுர் (கே), ஸ்மிருதி மந்தனா (து.கே), ஷஃபாலி வர்மா, ரேணுகா தாக்கூர், ஸ்ரீ சரணி, வைஷ்ணவி ஷர்மா, க்ராந்தி கௌட், சினே ராணா, தீப்தி ஷர்மா, ரிச்சா கோஷ் (வி.கீ), ஜி.கமலினி (வி.கீ), காஷ்வி கௌதம், அமன்ஜோத் கவுர், ஜெமிமா ரோட்ரிகஸ், ஹர்லீன் தியோல்.