தென் ஆப்ரிக்காவில் அந்த வீரர் காயத்தால் விலகல்...!! இப்பவே இந்தியா ஜெயிச்ச மாதிரி தான்..!

தோள்பட்டையில் காயம்

ஐபிஎல் போட்டியில் பெங்களூரு அணியில் இடம்பெற்று ஒரு போட்டியில் மட்டும் பந்துவீசிய ஸ்டெய்ன் இதே தோள்பட்டை காயத்தால்தான் விலகினார். உலக கோப்பை தொடருக்கு தேர்வு செய்யப்படும்போதுகூட முழுமையாக உடல்தகுதி இல்லாமல்தான் தேர்வு செய்யப்பட்டிருந்தார்.

குணம் அடையவில்லை

இரு போட்டிகளில் பங்கேற்காத நிலையில், அவருக்கு மேற்கொள்ளப்பட்ட சிகிச்சையில் முழுமையாக குணமடையாதது தெரிய வந்தது. எனவே, அவர் உலக கோப்பைத் தொடரில் விளையாட மாட்டார் என்று தென் ஆப்ரிக்க கிரிக்கெட் வாரியம் தெரிவித்துள்ளது.

பெரும் பின்னடைவு

ஸ்டெய்ன் இதுவரை 125 ஒருநாள் போட்டிகளில் விளையாடி 196 விக்கெட்டுகளை வீழ்த்தியுள்ளார். உலக கோப்பை போட்டியில் இந்திய அணிக்கு எதிராக 2015-ம் ஆண்டில் 5 விக்கெட்டுகளை வீழ்த்தியது மறக்க முடியாத ஒன்று. தற்போது தென் ஆப்ரிக்க அணியில் ஸ்டெய்ன் இல்லாதது, இங்கிடி காயத்தால் விளையாடதது போன்றவை அந்த அணிக்கு பெரும் பின்னடைவாக அமைந்துள்ளது.

மாற்று வீரர் சேர்ப்பு

ஸ்டெய்னுக்கு மாற்றாக அணியில் பியூரான் ஹெண்ட்ரிக்ஸ் அணியில் சேர்க்கப்பட்டுள்ளார். நெகிடி, ரபாடா பந்துவீச்சு தென் ஆப்ரிக்கா அணிக்கு வலு சேர்க்கவில்லை. நாளை இந்தியாவுக்கு எதிரான போட்டி நடைபெறவுள்ள நிலையில், ஸ்டெயின் இந்த தொடரில் இருந்தே விலகியுள்ளது அந்த அணிக்கு இழப்பாக பார்க்கப்படுகிறது.

தெ. ஆப்ரிக்காவுக்கு நெருக்கடி

தென் ஆப்ரிக்கா வீரர்கள் சுழற்பந்தை சமாளித்து ஆடுவதிலும், நெருக்கடியின் போதும் வழக்கம்போல் விக்கெட்டை இழப்பார். ஆதலால், தென் ஆப்ரிக்க அணியை நெருக்கடியுடனே நகர்த்தி வருவது, இந்திய அணிக்கு உதவியாக இருக்கும்.