Click it and Unblock the Notifications
என்ன புகார்?
இன்சமாமின் மகன் சமீபத்தில் 19 வயதுக்கு உட்பட்டோர் அணியில் சேர்க்கப்பட்டார். இன்சமாமின் மகன் முதலில் அணியில் சேர்க்கப்படவில்லை எனவும், அதன் பின் இன்சமாம் ஜூனியர் அணி தேர்வாளர் பாசித் அலிக்கு அழுத்தம் கொடுத்து தன் மகனை அணியில் இணைத்தார் என குற்றம் சாடியுள்ளார் அப்துல் காதிர்.
இன்சமாம் மறுப்பு
இதை கடுமையாக மறுத்துள்ள இன்சமாம், இதை நிரூபித்தால் தான் பதவி விலக தயாராக இருப்பதாகவும், மேலும், இந்த விஷயத்தை தான் அவ்வளவு எளிதில் விட மாட்டேன். பாகிஸ்தான் கிரிக்கெட் போர்டு தலைவரை பார்த்து பேச உள்ளேன் எனவும் கூறினார்.
பாகிஸ்தான் கிரிக்கெட் ஆதரவு
இன்சமாம், பாகிஸ்தான் கிரிக்கெட் போர்டு தலைவர் எஹ்சான் மானியை சந்தித்தார். அதன் பின் இந்த விவகாரத்தில் எந்த தவறும் நடக்கவில்லை என இன்சமாமுக்கு ஆதரவாக கருத்து கூறியுள்ளது கிரிக்கெட் போர்டு.
ஜூனியர் அணி தேர்வாளர் மறுப்பு
இந்த நிலையில் ஜூனியர் அணி தேர்வாளர் பாசித் அலியும், அப்துல் காதிர் சொன்ன புகார்களை மறுத்துள்ளார். தனக்கு எந்த அழுத்தமும் கொடுக்கவில்லை என கூறியுள்ளார் அவர். எல்லோரும் அப்துல் காதிர் புகாரை மறுத்துவிட்ட நிலையில், அப்துல் காதிர் சொன்ன குற்றச்சாட்டுகளுக்கு என்ன ஆதாரம் என்ற கேள்வி எழுந்துள்ளது. அதே போல, இன்சமாம் தன் உறவினரான இமாம் உல் ஹக்-ஐ தேசிய அணியில் தேர்ந்தெடுத்த போதும், இதே போல பிரச்சனை எழுந்தது குறிப்பிடத்தக்கது.
