அந்த 6 பந்துகள்.. பெங்களூரை சுளுக்கெடுத்த சன்!

எடுத்தது 130தான்.. இருந்தாலும் விட மாட்டோம்ல

முதலில் ஆடிய பெங்களூர் அணி 130 ரன்களை மட்டுமே எடுத்தது. ஆனால் அதை ஹைதராபாத் அணி எடுத்து விடாத வகையில் பந்து வீச்சில் பிரமாதப்படுத்தி விட்டது.

வினய் குமாரை சோதித்த ஒயிட்

சூப்பர் ஓவரின்போது பெங்களூர் பந்து வீச்சாளர் வினய் குமாரை ரொம்பவே சோதித்து விட்டார் ஹைதராபாத் வீரர் கேமரூன் ஒயிட். அடுத்தடுத்து 2 சிக்ஸர்களை அவர் விளாச 6 பந்துகளில் விக்கெட் இழப்பின்றி 20 ரன்களைக் குவித்தது ஹைதராபாத்.

அந்த 6 பந்துகளில் வந்த ரன்கள்...

சன் ரைசர்ஸ் - 2 (1+ நோ பால்), 1, 1, 6, 2, 6, 2 (20/0). ராயல் சேலஞ்சர்ஸ் பெங்களூர் - 2, 1, 4, 1, 6, 1 (15/0)

சன் ரைசர்ஸுக்கு சூப்பர் ஓவர் போட்டவர் ஸ்டெயின்

சன் ரைசர்ஸ் அணியின் சார்பில் சூப்பர் ஓவரில் பந்து வீசியவர் டேல் ஸ்டெயின் ஆவார்.

சொதப்பிய கெய்ல்

வழக்கமாக வெளுத்து வாங்கும் கெய்ல் நேற்று சொதப்பி விட்டார். சூப்பர் ஓவரின் 5வது பந்தில் அவர் சிக்ஸர் அடித்தார். கடைசிப் பந்தில் பெங்களூருக்கு 7 ரன்கள் தேவைப்பட்டன. ஆனால் ஒரே ஒரு ரன் மட்டுமே கெய்லால் எடுக்க முடிந்தது.

சன்னுக்கு 2வது வெற்றி

சன் ரைசர்ஸ் அணிக்கு இது இந்தத் தொடரில் 2வது தொடர்ச்சியான வெற்றியாகும். முதலில் அவர்கள் புனே வாரியர்ஸை வீழ்த்தியிருந்தனர்.

பெங்களூருக்கு டாப் கோஹ்லி

பெங்களூர் அணிக்காக அதிக ரன்களை எடுத்தவர் விராத்கோஹ்லிதான். அவர் எடுத்த ரன்கள் 46 ஆகும்.

ஹென்ட்ரிக்ஸ் அசத்தல்

ஆஸ்திரேலிய ஆல் ரவுண்டர் மோசஸ் ஹென்ட்ரிக்ஸுக்கு இதுதான் முதல் ஐபிஎல் போட்டியாகும். இவர் 44 ரன்களையும், பின்னர் 2 விக்கெட்களையும் வீழ்த்தினார்.