ஐ.பி.எல் 8: டெல்லி டேர்டெவில்ஸ் தோல்விக்கு கெஜ்ரிவால் ராஜினாமா செய்யணுமாம்ல!

புது மாப்பிள்ளை

முக்கியமாக சென்னை அணியின் செல்லப்பிள்ளை சுரேஷ் ரெய்னா இப்போது புது மாப்பிள்ளை வேறு. கடந்தவாரம்தான் அவருக்கு திருமணம் முடிந்தது.

ரெய்னா ஆட்டம்

திருமண தினத்தன்றும் வலைப்பயிற்சியில் ஈடுபட்ட ரெய்னா தாலி கட்டிய கையோடு விளையாட வந்துவிட்டார். அவர் இன்னமும் ஹனிமூன் கூட செல்லவில்லை என்பதை நினைவு படுத்தும் விதமாகவும் ட்விட்டியுள்ளனர் சில வலைஞர்கள்.

அட ஹனிமூன் போப்பா

நேற்றைய ஆட்டத்தில் ரெய்னாவின் பீல்டிங் நன்றாக பேசப்பட்டது. சென்னை அணியின் வெற்றிக்கு முக்கிய பங்காற்றிய ரெய்னா இனி நிம்மதியாக மொரிசியஸ்க்கு ஹனிமூன் போகலாம் என்று ட்விட்டியுள்ளார் தன்வி ஷர்மா என்ற ரசிகை

என்னா ஒரு ஆட்டம்

நேற்றைய ஆட்டத்தின் முடிவு பரபரப்பு தீயை பற்றவைத்தது. கடைசி பந்து 6 ரன் தேவை என்ற நிலையில் மார்கல், அந்த பந்தை சிக்சருக்கு அனுப்புவார் என்று நினைக்க அது பவுண்டரியாக மாறியது.

திசை மாறிய காற்று

கடைசியில் சென்னை அணியின் பக்கம் அதிர்ஷ்டக்காற்று திசை மாறியது. ஒரு ரன் வித்தியாசத்தில் வெற்றி பெற்றது. எனவேதான் ஆட்டத்தின் முடிவு அனேகம் பேர் ரசித்து ட்விட்டியுள்ளனர்.

விராட் வாழ்த்து

சென்னை சூப்பர் கிங்ஸ் அணியின் வெற்றிக்கு ராயல் சேலஞ்சர்ஸ் அணியின் கேப்டன் விராட் ஹோக்லி தம்ஸ் அப் போட்டு வாழ்த்து தெரிவித்துள்ளார்.

நல்லாத்தானே போகுது

இதுவரை வந்த கமெண்ட்கள் எல்லாம் நன்றாக இருக்க சிக்கன் பிரியாணி என்ற வலைஞரின் கருத்தோ அதிரடியாக உள்ளது. அதாவது டெல்லி டேர் டெவில்ஸ் அணியின் தோல்விக்கு பொறுப்பேற்று அர்விந்த் கெஜ்ரிவால் தனது டெல்லி முதல்வர் பதவியை ராஜினாமா செய்யவேண்டும் என்பதுதான் அது.

அடப்பாவிகளா டெல்லி அணி தோத்துப்போனா அதுக்கு கெஜ்ரிவால் என்னய்யா பண்ணுவாரு. போங்கப்பா போய் வேலையை பாருங்க!