துவக்க விழாவுக்கு அனுஷ்காவுடன் ஜோடியாக கொல்கத்தா வந்த கோஹ்லி: அப்போ ஐபிஎல் போட்டியும்...?

மும்பை ஏர்போர்ட்

உலகக் கோப்பை போட்டியில் தோல்வி அடைந்த பிறகு கோஹ்லி அனுஷ்கா சர்மாவுடன் ஜோடி போட்டு மும்பை விமான நிலையத்தில் வந்திறங்கினார். காதலியின் கையைப் பிடித்தவாரே சென்று காரில் ஏறினார்.

டெல்லி

டெல்லிக்கு சென்ற அனுஷ்கா கோஹ்லியின் பெற்றோரை சந்தித்து பேசினார். கோஹ்லியும், அனுஷ்காவும் ஜாலியாக ஊரை சுற்றிப் பார்த்தார்கள். டெல்லியில் கிரிக்கெட் வீரர் சுரேஷ் ரெய்னாவின் திருமணம் நடந்த அன்று அந்த நிகழ்ச்சியில் கலந்து கொள்ளாமல் கோஹ்லி தனது காதலியுடன் மும்பை கிளம்பிவிட்டார்.

ஐபிஎல் துவக்க விழா

ஐபிஎல் போட்டிகளின் துவக்க விழா மேற்கு வங்க மாநில தலைநகர் கொல்கத்தாவில் இன்று பிரமாண்டமாக நடைபெறுகிறது. துவக்க விழாவில் பாலிவுட் நடிகர்கள் ரித்திக் ரோஷன், ஷாஹித் கபூர், பர்ஹான் அக்தர் மற்றும் நடிகை அனுஷ்கா சர்மா ஆகியோர் நடனம் ஆடுகிறார்கள்.

அனுஷ்கா

ஐபிஎல் துவக்க விழாவில் கலந்து கொள்ள கோஹ்லி அனுஷ்கா சர்மாவுடன் ஜோடியாக கொல்கத்தா வந்துள்ளார். துவக்கத்திலேயே அனுஷ்காவா அப்படி என்றால் ஐபிஎல் போட்டிகளில் ராயல் சேலஞ்சர்ஸ் பெங்களூர் அணிக்கு விளையாடும் கோஹ்லி அவ்வளவு தானா என்று ஒரு கூட்டம் தற்போதே முணுமுணுக்கத் துவங்கிவிட்டது.