பெங்களூர் ராயல் சேலஞ்சர்சை எளிதாக வீழ்த்திய மும்பை இந்தியன்ஸ்- படங்கள்

மும்பை: ஐபிஎல் தொடரில் நேற்று நடைபெற்ற ஆட்டத்தில், பெங்களூரை 6 விக்கெட்டுகள் வித்தியாசத்தில் வீழ்த்தியது மும்பை அணி.

முன்னதாக, டாஸ் வென்ற மும்பை அணி, பவுலிங்கை தேர்வு செய்தது. முதலில் களமிறங்கிய பெங்களூரு அணி 20 ஓவரில் 7 விக்கெட் இழப்பிற்கு 170 ரன் எடுத்தது.

இதனையடுத்து களமிறங்கிய மும்பை அணி 18 ஓவரில் 4 விக்கெட் இழப்பிற்கு 171 ரன்கள் எடுத்து 6 விக்கெட் வித்தியாசத்தில் வெற்றி பெற்றது. மும்பை அணியின் கேப்டன் ரோஹித் சர்மா 62 ரன்கள் எடுத்து அணியின் வெற்றிக்கு உதவினார்.

பெங்களூர் அணிக்காக கோஹ்லி, டி வில்லியர்ஸ் பெரிதாக ரன் சேர்க்கவில்லை. கெயிலுக்கு பதிலாக களமிறங்கிய ராகுலும் சொற்ப ரன்னில் வெளியேறினார்.